ග්ලාස්ගෝ 2026 අද තරග 5කදී පදක්කම් 27 කට සටනක් - අද විශේෂ අවස්ථා මෙන්න

ස්කොට්ලන්තයේ ග්ලාස්ගෝ නගරයේ පැවැත්වෙන 2026 පොදු රාජ්‍ය මණ්ඩල ක්‍රීඩා උළෙලේ සිව්වන දිනය අද (27) පැවැත්වෙන අතර, එදින පදක්කම් සඳහා තීරණාත්මක තරග රැසක් පැවැත්වීමට නියමිතය.

ක්‍රීඩා අංශ 8ක තරග පැවැත්වෙන අද දිනයේදී රන් පදක්කම් 27ක් සඳහා ක්‍රීඩක ක්‍රීඩිකාවෝ තරග වදිති. එහිදී මලල ක්‍රීඩා සහ පැරා මලල ක්‍රීඩා, පිහිනුම් සහ පැරා පිහිනුම්, කලාත්මක ජිම්නාස්ටික් සහ බර ඉසිලීමේ තරග විශේෂ අවධානයට ලක්ව තිබේ.

2026 පොදු රාජ්‍ය මණ්ඩලීය ක්‍රීඩා උළෙලට ග්ලාස්ගෝ යන ශ්‍රී ලංකා කණ්ඩායමේ සම්පූර්ණ විස්තරය මෙන්න

1. මලල ක්‍රීඩා තරග ආරම්භය ග්ලාස්ගෝ හි EDF Scotstoun ක්‍රීඩාංගණයේදී මලල ක්‍රීඩා සහ පැරා මලල ක්‍රීඩා තරග ආරම්භ වන අතර, කාන්තා T37/38 මීටර් 100 අවසන් තරගය කෙරෙහි විශේෂ අවධානය යොමුව ඇත. එහිදී වේල්සයේ පොදු රාජ්‍ය මණ්ඩල ශූරිය වන ඔලිවියා බ්‍රීන් සහ එංගලන්තයේ සොෆී හෑන් අතර දැඩි තරගයක් අපේක්ෂා කෙරේ.

2. ඇඩම් රැම්සේ-පීටි යළි අවධානයට ඔලිම්පික් රන් පදක්කම් තුනක් දිනා ඇති පිහිනුම් ශූර ඇඩම් රැම්සේ-පීටි පිරිමි මීටර් 100 පියයුරු ආර පිහිනුම් තරගයේදී ලෝකඩ පදක්කමක් හිමිකර ගැනීමෙන් පසු නැවතත් ජයග්‍රහණයක් සඳහා සූදානම් වේ. මෙය ඔහුගේ අවසන් පොදු රාජ්‍ය මණ්ඩල ක්‍රීඩා උළෙල විය හැකි බැවින් ඔහුගේ දස්කම් කෙරෙහි විශාල අවධානයක් යොමුව තිබේ.

3. ස්කොට්ලන්ත බෝල්ස් ශූර ඇලෙක්ස් මාෂල් පිටියට ස්කොට්ලන්තයේ වඩාත්ම සාර්ථක පොදු රාජ්‍ය මණ්ඩල ක්‍රීඩකයෙකු වන ඇලෙක්ස් "ටැටි" මාෂල් පිරිමි යුගල බෝල්ස් තරගයට එක්වීමට නියමිතය. ඔහු පෝල් ෆොස්ටර් සමඟ එක්ව 2014 ග්ලාස්ගෝ ක්‍රීඩා උළෙලේදී දිනාගත් ශූරතාව නැවත ලබා ගැනීමේ අරමුණින් තරග කරයි.

4. උගන්ඩාවේ පැරා පිහිනුම් ක්‍රීඩිකාවගෙන් පදක්කම් බලාපොරොත්තුවක් වයස අවුරුදු 19ක් වන උගන්ඩාවේ හුස්නා කුකුන්ඩක්වේ පැරා පිහිනුම් තරගයේදී සිය රටට වැදගත් ජයග්‍රහණයක් ලබාදීමේ බලාපොරොත්තුවෙන් තරග බිමට පිවිසෙයි. ඇය ග්ලාස්ගෝ 2026 උළෙලේ උගන්ඩා කණ්ඩායමේ නායිකාව ලෙසද කටයුතු කරයි.

5. රයිස් මැක්ලෙනගන් නැවත ජිම්නාස්ටික් පිටියට උතුරු අයර්ලන්තයේ ඔලිම්පික් pommel horse ශූර රයිස් මැක්ලෙනගන් පිරිමි කලාත්මක ජිම්නාස්ටික් තරග සඳහා යළි එක්වීමට නියමිතය. 2018 වසරේ පොදු රාජ්‍ය මණ්ඩල ශූරතාව දිනාගත් ඔහු එම කිරුළ නැවත ලබා ගැනීමේ අරමුණින් තරග කරයි. ග්ලාස්ගෝ 2026 පොදු රාජ්‍ය මණ්ඩල ක්‍රීඩා උළෙල දින 11ක් පුරා පැවැත්වෙන අතර, ක්‍රීඩා අංශ 10ක තරග සඳහා රටවල් රැසක ක්‍රීඩක ක්‍රීඩිකාවෝ එක්ව සිටිති.

ක්‍රීඩා ලෝකය උණුසුම් කරමින් පොදුරාජ්‍ය මණ්ඩලීය ක්‍රීඩා උළෙලේ ආරම්භය මෙන්න