සැපයුම්කරුවන් මෙරටට ඉන්ධන සැපයීම් කොන්ත්‍රාත් අවලංගු කරයි.

සමහර සැපයුම්කරුවන් ඉන්ධන සැපයීම් කොන්ත්‍රාත් අවලංගු කර ඇති බව විදුලි බල සහ බලශක්ති අමාත්‍ය කංචන විජේසේකර කැබිනට් මණ්ඩලයට දැනුම් දී තිබෙනවා.

ඒ, ඉන්ධන සැපයුම්කරුවන් 7 දෙනෙකුට ඇමරිකානු ඩොලර් කෝටි 70ක පමණ මුදලක් හිඟ ණය වශයෙන් ගෙවීමට සිදු වී තිබීමයි.

එමෙන්ම නැව් සමාගම් නැව් දීමට අකමැත්ත පළ කරන බව ද අමාත්‍යවරයා වැඩි දුරටත් සඳහන් කරනවා.

ඊට හේතුව වී ඇත්තේ මුදල් ගෙවීමට නොහැකිව, ජල තීරය දිගු කාලයක් ඉන්ධන නැව් රඳවා තබා ගැනීමට සිදු වීමයි.

ඒ අනුව අමාත්‍යවරයා පෙන්වා දෙන්නේ, මේ තත්වය හමුවේ ,අලුත් සැපයුම්කරුවන්ගෙන් ඉන්ධන ලබා ගැනීමට සිදු වී ඇති බවයි.