හොරෙන් විදු­ලිය ගන්න අයට හොදටම වැඩ වරදින ලකුණු

වංච­නික ලෙස විදු­ලිය පරි­හ­ර­ණය කළ පාර්ශ්ව වෙතින් රුපි­යල් මිලි­යන 90 ඉක්ම වූ අලා­භ­යක් පියවා ගැනී­මට 2025 වර්ෂය තුළ ලංවිම විශේෂ විම­ර්ශන ඒක­කයට  හැකිවී ඇති බව වාර්තා වේ.

ලංකා විදු­ලි­බල මණ්ඩ­ලයේ විශේෂ විම­ර්ශන ඒක­කයේ කළ­ම­නා­කරු ඉන්දික ප්‍රනාන්දු මහතා සදහන් කරන්න්නේ ලංකා විදු­ලි­බල මණ්ඩ­ලයේ විශේෂ විම­ර්ශන ඒක­කය 2025 වර්ෂය තුළ දීප ව්‍යාප්තව කළ වැට­ලී­ම්වල ප්‍රති­ඵ­ල­යක් වශ­යෙන් පසු­ගිය වසර තුළ වංච­නි­කව විදු­ලිය පරි­හ­ර­ණ­යන්ට අදාළ වැට­ලී­ම්ව­ලදී රුපි­යල් අනූ­දෙ­මි­ලි­යන හත්සිය හැත්තෑ­ද­හස් හැට එකයි ශත විසි එකක (රු. 92,770,061.21) මුද­ලක් අය කර­ගැ­නී­මට හැකි වී ඇති බවයි.

ඒ අනුව 2025 වර්ෂය සඳහා වැට­ලී­ම්ව­ලින් ලබා ගත් මුළු ආදා­ය­මෙන් රුපි­යල් අනූ මිලි­යන දෙසි­ය­හ­ත­ළිස් දෙද­හස් පන්සිය හැට එකයි ශත විසි එකක් (රු. 90,242,561.21), ලං.වි.ම. අලාභ වශ­යෙන් ද රුපි­යල් දෙමි­ලි­යන පන්සිය විසි­හත් දහස් පන්සි­ය­යක් (රු. 2,527,500.00) උසාවි ගාස්තු වශ­යෙන් ද අය කර­ගෙන ඇති බව වාර්තා වේ.

තවද 2025 වර්ෂයේ දී ලංකා විදු­ලි­බල මණ්ඩ­ලයේ විශේෂ විම­ර්ශන ඒක­කය කළ එම වැට­ලීම් තුළින් විදුලි මීටර් වෙනස් කර විදු­ලිය ලබා ගැනීමේ සිද්ධීන් 1,259 ක් ද, කොකු යොදා අන­ව­සර ලෙස විදු­ලිය ලබා­ගැ­නීමේ සිද්ධීන් 72 ක් ද අනා­ව­ර­ණය කර­ගෙන තිබේ.

රජයේ පාසල් ගැන ඇහෙන කණගාටුදායක ආරංචිය

ඒ අනුව මෙවැනි සිද්ධීන් නිසා විශාල පාඩු­වක් ලංකා විදු­ලි­බල මණ්ඩ­ල­යට සිදුව තිබේ.

ලංකා විදු­ලි­බල මණ්ඩ­ලයේ විශේෂ විම­ර්ශන ඒක­කයේ කළ­ම­නා­කරු (විම­ර්ශන) ඉන්දික ප්‍රනාන්දු මහතා සදහන් කළේ දිව­යින පුරා සිදු කළ මෙහෙ­යු­ම්ව­ලදී එම වංච­නික ලෙස විදු­ලිය පරි­හ­ර­ණය කළ සැක­ක­රු­වන් අත්අ­ඩං­ගු­වට ගෙන ඔවුන්ට එරෙ­හිව නීතිය ක්‍රියා­ත්මක කළ බවයි.

තවද දිව­යිනේ බොහෝ ප්‍රදේ­ශ­වල දී සිදු කළ වැට­ලීම් මඟින් අත්අ­ඩං­ගු­වට ගත් සැක­ක­රු­වන් ලංකා විදුලි බල මණ්ඩ­ලයේ ප්‍රධාන රැහැන් මාර්ග­යට කොකු ගසා සහ සත්‍ය විදුලි පරි­භෝ­ජ­නය මනු­ගත නොවන සේ විදුලි මනුව වෙනස් කොට විදු­ලිය වංච­නික ලෙස පරි­හ­ර­ණය කර තිබෙන බව අනාවරණය කරගන තිබේ.

තවදුරටත් ලංකා විදු­ලි­බල මණ්ඩ­ලයේ විශේෂ විම­ර්ශන ඒක­කයේ කළ­ම­නා­කාර තුමන් සදහන් කළේ ලංකා විදු­ලි­බල මණ්ඩ­ලයේ විශේෂ විම­ර්ශන ඒක­ක­යට විවිධ ආකාර මඟින් ලැබී තිබූ තොර­තු­රු­ව­ලට අනුව සිදු කළ වැට­ලී­ම්ව­ලදී සමා­ජයේ ඉහළ සිට පහ­ළට විවිධ පුද්ග­ල­යන් සැක­ක­රු­වන් ලෙස අත්අ­ඩං­ගු­වට ගෙන ඇති බවයි.

අම්බුළුවාවේ කේබල් කාර් ව්‍යාපෘතියට සිදුවන දේ මෙන්න

ඒ වගේම ව්‍යාපා­රික මෙන්ම විවිධ වෘත්තී­න්වල නිරත වන අය සිටි පුද්ගලයන් ඒ අතර වන බවත් වාර්තා වේ.

මේ ආකාරයට වංව­නික විදුලි පරි­හ­ර­ණය සම්බන්ධ යම් තොර­තු­රක් වෙතොත් 011 – 2422259 දරන දුර­කතන අංක­යට දැනුම් දෙන ලෙසත්, 1987 යන ක්‍ෂණික දුර­ක­තන සේවාව ද ඒ සඳහා විවෘත බවත් ලංකා විදු­ලි­බල මණ්ඩ­ලයේ විශේෂ විම­ර්ශන ඒක­කයේ කළ­ම­නා­කරු (විම­ර්ශන) ඉන්දික ප්‍රනාන්දු මහතා සදහන් කර තිබේ