නායයෑම් වැළැක්වීමට ජපානයෙන් ඩ්‍රෝන

2026 පෙබරවාරි 26 වන දින පැවති උත්සවයකදී ජපන් ජාත්‍යන්තර සහයෝගිතා ඒජන්සිය මෙම ඩ්‍රෝන යානා RDA වෙත භාර දුන් අතර, එය "ඔරොත්තු දෙන මාර්ග ප්‍රවාහනය සඳහා නායයෑම් ආපදා වැළැක්වීමේ ධාරිතාව ශක්තිමත් කිරීම" ව්‍යාපෘතිය යටතේ සිදු විය.

මෙම ඩ්‍රෝන යානා පමණක් නායයෑම් ආපදා වැළැක්වීම සහ හදිසි ප්‍රතිචාර ශක්තිමත් කිරීම සඳහා භාවිතා කිරීමට නියමිතය.

RDA ඉංජිනේරුවන්ට සහ ජපන් විශේෂඥයින්ට සහය වීම සඳහා මෙම උපකරණ භාවිතයෙන්:

අනතුරුදායක බෑවුම්වල ගුවන් ඔත්තු බැලීම්

නායයෑම් බලපෑමට ලක්වූ ප්‍රදේශ තක්සේරු කිරීම

අධි අවදානම් මාර්ග කොටස් හඳුනා ගැනීම

හදිසි පියවර වඩාත් ඵලදායී ලෙස සැලසුම් කිරීම

ඩ්‍රෝන මගින් තත්‍ය කාලීන දත්ත ලබා ගැනීම,ත්‍රිමාණ ආකෘති නිර්මාණය ,භූලක්ෂණාත්මක සමීක්ෂණ,නායයෑම් ප්‍රමාණය තක්සේරු කිරීම සහ අවදානම් ස්ථානවල වේගවත් නිරීක්ෂණයන් සිදු කළ හැකිය.

මීට අමතරව, මෙම ඩ්‍රෝන දත්ත RDAගේ මාර්ග වත්කම් කළමනාකරණ පද්ධතියට ඒකාබද්ධ කර ගැනීමෙන් හදිසි අවස්ථාවලදී ස්ථානීය තීරණ ගැනීම වේගවත් කරයි.

මෙම ප්‍රදානය සුළි කුණාටු Ditwah හේතුවෙන් ඇති වූ නායයෑම් හා මාර්ග හානිවලින් පසුව සිදු වූයේ ඉතා කාලෝචිත වශයෙනි.

ජපන් ජාත්‍යන්තර සහයෝගිතා ඒජන්සිය දෙසැම්බර් මාසයේදීම RDA සමඟ එක්ව පුළුල් පශ්චාත් ආපදා සමීක්ෂණ සිදු කළ අතර, මාර්තු 2026 සිට බලපෑම් ලැබූ ප්‍රදේශවල වැඩිදියුණු කළ ක්ෂේත්‍ර සමීක්ෂණ ආරම්භ කිරීමට සැලසුම් කර ඇත.

ජපන් ජාත්‍යන්තර සහයෝගිතා ඒජන්සිය ශ්‍රී ලංකා නියෝජ්‍ය ප්‍රධාන නියෝජ්‍ය Minoru Matsunoshita මහතා ප්‍රකාශ කළේ, මෙම සහයෝගය මගින් ආපදා සූදානම, හදිසි ප්‍රතිචාර හා ආරක්ෂිත, ඔරොත්තු දෙන ජාතික මාර්ග ජාලයක් ගොඩනැගීමට දායක වන බවයි.

ඉන්ධන QR ක්‍රමය නැවත සක්‍රීයයි- තාක්ෂණික ගැටලු අදින් විසඳෙන බව රජය කියයි

උපකාරක පන්ති පැවැත්වීම තහනම් - පෞද්ගලික අංශයටත් නිවාඩු ලබාදෙන මෙන් රජයෙන් යෝජනාවක්