අද දින පළමු වතාවෙම ආසාධිතයින් වෙනස්ම අගයක

අද දින මෙරටින් කොරෝනා ආසාදිතයින් 582 දෙනෙකු හඳුනාගෙන ඇති බව යුද හමුදාපති ජනරාල් ශවේන්ද්‍ර සිල්වා මහතා සඳහන් කරයි.

ඒ අනුව කොවිඩ් ආසාදිත බවට මෙරටදී හඳුනාගත් සමස්ත ආසාදිතයින් සංඛ්‍යාව 522,582ක් දක්වා ඉහළගොස් තිබේ.  

කොවිඩ් -19 වෛරසය ආසාදනය වී ප්‍රතිකාර ගත් 475 දෙනෙකු අද (06) දිනයේ පූර්ණ සුවය ලබා ඇති බව සෞඛ්‍ය අමාත්‍යාංශය පවසයි. ඒ අනුව මෙරටදී සුවය ලැබූ සමස්ත කොවිඩ් රෝගීන් සංඛ්‍යාව 478,326ක් දක්වා ඉහළගොස් තිබේ.

මේ අතර මෙරට පූර්ණ එන්නත්කරණයට ලක්වූ පුද්ගලයින් ගණන සමස්ත ජනගහනයෙන් සියයට 55ක ප්‍රතිශතයක් දක්වා ඉහළ ගොස් තිබේ. මාත්‍රා දෙකම ලබාගෙන ඇති සමස්ත පුද්ගලයින් ගණන 01කෝටි 19 ලක්ෂ 67,327කි.

එක් මාත්‍රාවක් හෝ ලැබූ ප්‍රතිශතය සමස්ත ජනගහනයෙන් සියයට 68කි. ඒ අනුව මේ දක්වා කොවිඩ් මර්දන එන්නත එක් මාත්‍රාවක් හෝ ලබාගෙන ඇති සමස්ත පුද්ගලයින් ගණන 01කෝටි 46 ලක්ෂ 15,232ක් දක්වා ඉහළගොස් තිබේ.

වයස අවුරුදු 12 ත් 19 ත් අතර රෝගාබාධ සහිත දරුවන් සඳහා ෆයිසර් එන්නත ලබාදීම දිවයිනේ සියලු පළාත්වල තවදුරටත් සිදුවේ.