ආන්දෝලනාත්මක සමලිංගික වෙබ් අඩවිය BLOCK කරාද?

නව අධ්‍යාපන ප්‍රතිසංස්කරණ යටතේ හයවන ශ්‍රේණියේ ඉංග්‍රීසි විෂය නිර්දේශයට ඇතුළත් කර තිබූ ආන්දෝලනාත්මක buddy.net වෙබ් අඩවිය වෙත පිවිසීම මේ වන විට අවහිර කර ඇති බව තොරතුරු පළවේ.

මෙයට හේතුව ඊයේ දින දක්වා විවෘතව පැවති මෙම වෙබ් අඩවියට පිවිසීමට මේ වන විට බාධා එල්ල වී තිබීම වන අතර එය රජය විසින් ගනු ලැබූ ක්‍රියාමාර්ගයක් විය හැකි බව සැක පළ කර ඇත.

පාසල් ළමයින්ගේ විෂය නිර්දේශයට සමලිංගික වෙබ් අඩවියක් දැම්මට අධ්‍යාපන ලේකම් CID යයි

නව විෂය නිර්දේශයේ කොටසක් ලෙස හඳුන්වා දී තිබූ මෙම වෙබ් අඩවිය හරහා, පාසල් දරුවන්ට සමලිංගික සහකරුවන් සොයා ගැනීමට ඉඩකඩ සලසා දී ඇති බවට පසුගිය දින කිහිපය පුරා සමාජය තුළ දැඩි විවේචනයක් එල්ල වූ අතර දරුවන්ගේ සදාචාරයට සහ මානසික වර්ධනයට මෙවැනි අන්තර්ගතයන් අහිතකර ලෙස බලපාන බවට දෙමාපියන් සහ විවිධ සංවිධාන චෝදනා කර ඇත.

මෙම බරපතළ චෝදනා සම්බන්ධයෙන් රජයේ කඩිනම් අවධානය යොමුව ඇති අතර, අදාළ විෂය නිර්දේශ කොටස් බෙදාහැරීම වහාම අත්හිටුවීමට බලධාරීන් පියවර ගෙන ඇත. මෙම වෙබ් අඩවිය විෂය නිර්දේශයට ඇතුළත් වූ ආකාරය සහ ඒ පිටුපස ඇති අරමුණු පිළිබඳව පුළුල් පරීක්ෂණයක් ආරම්භ කර තිබේ.

හෙට කාලගුණය දරුණුයි - ජනතාව ප්‍රවේශමෙන්

අධ්‍යාපන ක්ෂේත්‍රයේ ප්‍රවීණයන් පෙන්වා දෙන්නේ, මෙවැනි සංවේදී කරුණු විෂය නිර්දේශයන්ට ඇතුළත් කිරීමේදී වඩාත් විමසිලිමත් විය යුතු බවයි. මෙම සිදුවීම සම්බන්ධයෙන් වගකිවයුතු නිලධාරීන්ට එරෙහිව දැඩි ක්‍රියාමාර්ග ගන්නා බව රජයේ ආරංචි මාර්ග වැඩිදුරටත් සඳහන් කරයි.