චමුදිතට ඉදිරි දින කිහිපයේ බුද්ධි අංශ විසින් ප්‍රහාරයක් එල්ල කිරීමේ කුමන්ත්‍රණයක්..විදෙස් රටක සිට වීඩියෝවක් නිකුත් කරමින් දැනුම් දෙයි..ජාතික ජනබල වේගයත් ගෑවෙයි..
Aruna
මෙරට බුද්ධි අංශය විසින් ප්‍රවීන මාධ්‍යවේදී චමුදිත සමරවික්‍රම මහතාට කුමණ හෝ ප්‍රහාරයක් එල්ල කිරීමේ සූදානමක් පවතින බව විදෙස් රටක සිට අජිත් ධර්මපාල නම් තැනැත්තෙක් විසින් ගෙන එන ශ්‍රී ලංකා පොලිසිය දේශපාලනයෙන් මුදාගැනීමේ ජාත්‍යන්තර සංවිධානය (IODPP Police) යන යූටියුබ් නාළිකාව හරහා වීඩියෝවක් නිකුත් කරමින් ප්‍රකාශ කර තිබේ.
මෙම වීඩියෝව මගින් හෙළිකර ඇත්තේ, චමුදිත මීට පෙර බුද්ධි අංශයේ හිටපු නිලධාරියෙක් සමග සිදු කළ සාකච්ඡාවකදී එම බුද්ධිඅංශ නිලධාරියා විසින් හෙළි කළ ඇතැම් කාරණා මත පදනමව ශ්‍රී ලංකා බුද්ධි අංශය විසින් චමුදිතට සහ අදාල බුද්ධි නිලධාරියාට ප්‍රහාරයක් එල්ල කිරීමේ ප්‍රබල කුමන්ත්‍රණයක් පවතින බවයි.
මෙම ප්‍රහාරය ඉදිරි දින කිහිපය තුළ දී ශ්‍රී ලංකා බුද්ධි අංශය විසින් සිදු කර එය ජාතික ජනබලවේගය මත පැටවීමේ ප්‍රබල සූදානමක් පවතින බවයි අජිත් ධර්මපාල නම් මෙම පුද්ගලයා අදාල යූටියුබ් නාලිකාව හරහා වීඩියෝවක් නිකුත් කරමින් පවසා ඇත්තේ.
එම නිසා රටේ විවිධ කාරණා ගැන ප්‍රබල හෙළිදරව් සිදු කරන මෙවැනි මාධ්‍යවේදීන්ට යම් අනතුරක් සිදු විය හැකිනම් එය සිදුවීමට පෙර ඊට අදාල ක්‍රියාමාර්ග කඩිනමින් ගන්නට මෙරට ආරක්ෂක අංශ වහා ක්‍රියාකළ යුතු යැයි ගගන අප මතක් කර දෙන්නෙමු.
තවද මොහු විසින් සිදු කර මෙම ප්‍රකාශයන් වැරදිනම් වහාම ඒ ගැන සොයා බලා ඊට කඩිනම් පියවර ගැනීමටද කටයුතු කිරීම මෙරට ආරක්ෂක අංශ වල ප්‍රධාන වගකීමකි.
