ආයෙත් කරුවලේද? විදුලි බල මණ්ඩලේ දරුණු කඩා වැටීමක්

මූල්‍ය අමාත්‍යාංශය මෑතකදී නිකුත් කළ වාර්තාවකට අනුව, 2025 වර්ෂයේ මුල් භාගයේදී ලංකා විදුලි බල මණ්ඩලයේ විදුලි අලෙවි ආදායමෙහි 38.8%ක කඩාවැටීමක් සිදුව ඇත.

මෙම වර්ෂයේ පළමු මාස හය තුළදී CEB උපයාගෙන ඇත්තේ රුපියල් බිලියන 192.6ක් පමණක් වන අතර පෙර වර්ෂයේ (2024) එම කාලය තුළ වාර්තා වූ රුපියල් බිලියන 314.4ක ආදායම සමඟ සසඳන විට, රුපියල් බිලියන 121.8ක (රුපියල් කෝටි 12,180ක) අඩුවීමකි.

දිගටම පාසල් වැසෙයිද? අඛණ්ඩ වැඩ වර්ජනයක ලකුණු

ඊට ප්‍රධාන හේතුව වන්නේ විදුලි ඒකකයක සාමාන්‍ය විකුණුම් මිල පහළ යාමයි. එනම්, 2024 පළමු මාස හය තුළ කිලෝවොට් පැයකට රුපියල් 41.97ක්ව පැවති අවසන් පාරිභෝගික ගාස්තුව, 2025 මුල් භාගය වන විට කිලෝවොට් පැයකට රුපියල් 24.64ක් දක්වා අඩු වීමයි.

මෙම ගාස්තු අඩු කිරීමේ සෘජු ප්‍රතිඵලයක් ලෙස, ලංකා විදුලි බල මණ්ඩලයේ ලාභදායිත්වය සැලකිය යුතු ලෙස පිරිහී ඇත. 

පාසල් සිසුන්ට දුරකථන තහනමක් ? අමාත්‍යාංශය නිවේදනය මෙන්න