සුභ ආරංචියක් - මේ සේවකයන්ට 25%කින් වැටුප් වැඩිකිරීමක්

ශ්‍රී ලංකා විදුලිබල ක්ෂේත්‍රයේ ක්‍රියාත්මක ප්‍රතිසංස්කරණ ක්‍රියාවලිය යටතේ ස්ථාපිත කෙරෙන නව අනුප්‍රාප්තික සමාගම් වෙත සේවකයින් අනුයුක්ත කිරීමට සමගාමීව, ලංකා විදුලිබල මණ්ඩලයේ (CEB) සියලුම සේවකයින් සඳහා 25% ක වැටුප් වැඩිකිරීමක් ලබාදීමට පියවර ගෙන තිබේ. 

ආයතනය තුළ දීර්ඝ කාලයක සිට පැවති වැටුප් විෂමතා ඉවත් කිරීම සහ සේවක පාර්ශවයන් විසින් ඉදිරිපත් කරන ලද මූලික ඉල්ලීම් සලකා බැලීම මෙහි ප්‍රධාන අරමුණ බවත් මෙම වැටුප් වැඩිකිරීම 2025 ජනවාරි 01 වැනිදා සිට බලපැවැත්වෙන පරිදි හිඟ මුදල් සහිතව ලබාදීමට තීරණය කර ඇති බවත් වාර්තා වේ.

ලාෆ් ගෑස් සමාගමෙන් පාරිභෝගිකයින් පණිවිඩයක්

බලධාරීන් පවසන ආකාරයට මෙම තීරණයත් සමඟ අදාළ සියලු පාර්ශවයන් අතර සුහද එකඟතාවක් ඇති වී තිබෙන අතර, ආයතනික පරිවර්තන සමයේ සේවකයින් තුළ පැවති අවිනිශ්චිතතාවයන් දුරු කිරීමට ද මෙය හේතු වී ඇත.

විදුලි උත්පාදනය, සම්ප්‍රේෂණය, බෙදාහැරීම සහ පද්ධති මෙහෙයුම් සඳහා වගකිව යුතු අලුතින් පිහිටුවන ලද සමාගම් වෙත ලංවිම මෙහෙයුම් පවරා දීමේදී, සේවා බලකායේ ස්ථාවරත්වය පවත්වා ගැනීමට මෙම පියවර බෙහෙවින් ඉවහල් වනු ඇතැයි අපේක්ෂා කෙරේ.

ශ්‍රී ලංකාව යුද පිටියක් කිරීමට ඇමරිකාව සැලසුම් කරනවා - විමල් වීරවංශ