ගුරුවරු අපේ දෙවිවරු SMS ගහන්න බෑ කීව එක වැරදියි - සී.බී රත්නායකට දුක හිතිලා

පසුගියදා ජනාධිපති අනුර කුමාර දිසානායක විසින් ගුරුවරුන්ට SMS පණිවිඩයක්වත් යවාගත නොහැකි බවට සිදුකළ ප්‍රකාශයක් පිළිබඳව සමාජයේ බොහෝ දෙනා කතාබහ කරන්න පටන් ගත්තා.

ඒ අනුව ඒ තුළින් ගුරුවරුන් ඉතා පහත් තත්වයකට ඇද දැමු බවත් හිටපු අමාත්‍ය සී.බි.රත්නායක මහතා අවධාරණය කරයි. ශ්‍රි ලංකා පොදුජන පෙරමුණ පක්ෂ මූලස්ථානයේ පැවති ප්‍රවෘත්ති සාකච්ඡාවට එක්වෙමින් ඒ මහතා මේ බව ප්‍රකාශ කළේය.

ඇමරිකාව ශ්‍රී ලංකා භාණ්ඩ සඳහා තීරු බද්ද 20% දක්වා අඩු කරයි

එහිදි හිටපු අමාත්‍ය සී.බි.රත්නායක මහතා, අධ්‍යාපන ක්ෂේත්‍රය තුළ ගුරුවරුන් ‘ගුරු දෙවිවරු’ ලෙස හැඳින්විය හැකි බවද දෙමව්පියන්ගෙන් පසුව ගුරුහරුකම් ලබාදෙන්නේ ගුරුවරුන් බවද කියා සිටියේය.

නමුත් පසුගිය දිනයකදී ජනාධිපතිතුමන් විසින් SMS පණිවිඩයක් යවා ගැනීමටවත් ගුරුවරු නොදන්නා බවට සිදුකළ ප්‍රකාශයක් සම්බන්ධයෙන් සී.බී.රත්නායක මහතා විසින් මෙහිදී සඳහන් කළේය.

එකී කාරණය තුළින් ගුරුවරුන් ඉතාම පහතට ඇද දැමූ බවට ඒ මහතා චෝදනා එල්ල කර සිටියේය.එම නිසා එම ප්‍රකාශය තරයේ හෙළා දකින බවට වැඩිදුරටත් සඳහන් කළේය. නව තාක්ෂණය, මෙවලම් පරිහරණය පිළිබඳ ව වැඩමුළු රාශියක් සිදුකරමින් ගුරුවරුන්ට අවශ්‍ය අධ්‍යයන අවකාශය සකස් කර දෙමින් සිටින පසුබිමක ජනාධිපතිතුමාගේ එලෙස ප්‍රකාශ කිරීම නොකළ යුත්තක් බව ඔහු සඳහන් කරයි.

අද ලග්න 06කට අතිශයින්ම ශුභ ග්‍රහ පිහිටීමක් - ලග්න 04කට දැඩි අවදානමක් - ඔබේ ලග්නයත් ඒ අතරද?

ගුරුවරුන් ලබාදුන් ගුණනැණ තුළින් ලබාගත් දැනුම් සම්භාරය සමාජයක ජීවත් වීමේ අඩිතාලමක් බවට පත් වූ නිසාවෙන් මේ තාක් දුර පැමිණීමට ඉවහල් වූ බව එතුමා සඳහන් කර සිටියේය.

එවැනි පසුබිමක ගුරුවරුන්ට අවශ්‍ය අධ්‍යයනමෙවලම් සැපයීම වෙනුවට ගුරුවරුන් හැල්ලු කිරීම නොකළ යුත්තක් බව වැඩිදුරටත් අදහස් දක්වමින් ඒ මහතා කියා සිටියේය.

සල්ලි රටේ, ට්‍රිප් එක ජනපතිගේ - ජනාධිපතිගේ විදෙස් ගමන් ජනතාවට බරක්