බෞද්ධාලෝක වෙසක් කලාපය උත්කර්ෂවත් ලෙසින් පවත්වයි - දිනයන් මෙන්න

 බෞද්ධාලෝක වෙසක් කමිටුවේ නියෝජිතයන් හා ජනාධිපති ලේකම් ආචාර්ය නන්දික සනත් කුමානායක මහතා සාකච්ඡාවක් ඊයේ පස්වරුවේ ජනාධිපති කාර්යාලයේදී පැවැත්විය.

කොළඹ නගරාධිපති ව්‍රායි කැලී බල්තසාර්, ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ, සමස්ත ලංකා බෞද්ධ මහා සම්මේලනයේ සභාපති චන්ද්‍රා නිමල් වාකිෂ්ඨ, නියෝජ්‍ය සභාපති රොෂාන් මද්දුමගේ, භාණ්ඩාගාරික වසන්ත ද සිල්වා යන මහත්ම මහත්මීහු සහ රාජ්‍ය ආයතනවල නිලධාරීහු, ආරක්ෂක අංශවල ජ්‍යෙෂ්ඨ නිලධාරීහු සහ අනුග්‍රාහක සමාගම්වල නියෝජිතයන් ඇතුළු පිරිසක් මෙම අවස්ථාවට එක්ව තිබුණි .

අද කොළඹට එන රියදුරන්ට විශේෂ දැනුම්දීමක්

මෙවර වෙසක් උත්සවය නිමිත්තෙන් 25වන වරටත් සංවිධානය කෙරෙන බෞද්ධාලෝක වෙසක් කලාපය, බෞද්ධාලෝක මාවත කේන්ද්‍ර කරගෙන මැයි 30වන දා සිට ජුනි 01වන දා දක්වා පැවැත්වීමට නියමිතව තිබේ

ජනාධිපති අනුර කුමාර දිසානායක මහතාගේ උපදෙස් මත ජනාධිපති කාර්යාලයේ මැදිහත්වීමෙන් සියලු රාජ්‍ය සහ පෞද්ගලික ආයතනවල දායකත්වය ලබා ගනිමින් මෙය උත්කර්ෂවත්ව පැවැත්වීමට කටයුතු සංවිධානය කර ඇත ඊට අදාළ පෙර සූදානම සහ ජනතාවට පහසුකම් සැපයීම පිළිබඳව මෙහිදී පුළුල් ලෙස සාකච්ඡා කරන ලදි