චීනයේ බෙයිජිංහි මුල්ම ශ්‍රී ලාංකික අවන්හල විවෘත කෙරේ

ශ්‍රී ලංකාවට අනන්‍ය වූ සියලු සාම්ප්‍රදායික ආහාර පානාදිය සමඟින් ශ්‍රී ලාංකික අවන්හලක් චීනයේ බෙයිජිං හිදි පසුගියදා විවෘත කෙරිණි.

මෙහි විශේෂත්වය වන්නෙ චීනයේ විවෘත කළ මුල්ම ශ්‍රී ලාංකික අවන්හල වීමයි .

මෙම අවන්හල නම්කර ඇත්තේ ‘සින්නාරා’ ලෙසිනි.

එවගේම එහි හිමිකාරීත්වය දරන්නේ චීනයේ පදිංචි ශ්‍රී ලාංකික ව්‍යාපාරිකයකු වන චිරන්ජය උඩුමුල්ලගේ මහතායි.

අද රත්තරන් මිල ගණන් මෙන්න - රත්තරන් සිහිනය බිඳ වැටෙන ලකුණු

චීනයේ ශ්‍රී ලංකා තානාපති මජින්ත ජයසිංහ මහතා ඇතුලු අමුත්තන් රැසකගේ සහභාගීත්වයෙන් මෙම අවන්හල විවෘත කරන ලදි.

ශ්‍රී ලාංකේය සංස්කෘතියට ආවේණික වූ ආහාර රසයන් සහ විවිධ ආහාර වර්ග චීන ජාතිකයන් අතර ප්‍රචලිත කිරීමේ අරමුණින් මෙම අවන්හල ආරම්භ කර ඇත.

මෙම අපූරු අවන්හල බෙයිජිං නගර මධ්‍යයේ Chaowai මාවතේ පිහිටි සාප්පු සංකීර්ණ ගොඩනැගිල්ලක පිහිටා තිබේ.

නොබෙල් සාම ත්‍යාගය වෙනිසියුලාවේ විපක්ෂ නායිකාවට

එමගින් ශ්‍රී ලංකාවේ පොහොසත් උරුමය සහ විචිත්‍රවත් ආහාර පිසීම සම්බන්ධ අමතක නොවන සූපශාස්ත්‍ර අත්දැකීමක් ලබා දෙයි.