දේශපාලනය නිසා හෂාන්ගේ බිරිඳ අප්සාරිට ක්‍රිකට් නැත්තටම නැති වෙයි?. විශේෂ මාධ්‍ය හමුවකින් කීව දෙය මෙන්න..
krishani
අප්සාරි තිලකරත්න අද (07) දිනයේ දී මාධ්‍ය හමුවක් කැඳවමින් විශේෂ ප්‍රකාශයක් සිදුකර තිබෙනවා.
ඒ තමන් දේශපාලනය කිරීමට සමගි ජන සන්ධානයේ නායක සජිත් ප්‍රේමදාස මහතා සමග නිල වශයෙන් එක් වූ දින සිට තමන්ට කිසිදු ලෙසකින් ශ්‍රී ලංකා ක්‍රිකට් ආයතනයෙන් ප්‍රතිචාරයක් නොලැබුණු බවයි.
අප්සාරි තිලකරත්න යනු මෙරට ශ්‍රී ලංකා කාන්තා ක්‍රිකට් කණ්ඩායමේ කළමනාකාරීත්වය දරන ලද අයෙකී.
එමෙන්ම, ඇය ප්‍රවීණ ක්‍රිකට් ක්‍රීඩක හෂාන් තිලකරත්නගේ බිරිඳ ද වේ.
ඇය සිය ස්වාමිපුරුෂයා වන හෂාන් තිලකරත්න සමග පසුගිය ජනාධිපතිවරණයේ දී සිය දේශපාලනික සහාය සජිත් ප්‍රේමදාස මහතාට පළ කරන බවට දැනුම් දුන්නේ ය.
ඉන් අනතුරුව ඔවුන් විපක්ෂ නායකවරයා සමග දේශපාලනික වැඩකටයුතුවලට ද පෙනී සිටියේ ය.
තමන් ශ්‍රී ලංකා ක්‍රිකට් ආයතනයට යොමු කළ කිසිදු ඊමේල් පණිවිඩයකට මෙතෙක් පිළිතුරු නොලැබුණු බව ඇය පැවසීය.
ඇය කියා සිටියේ සමහර විට තමන්ගේ දේශපාලනික ආගමනය මත අදාළ තනතුරු අහිමි ව ගොස් තිබිය හැකි බවයි.
එමෙන්ම, වැඩිදුරටත් අදහස් දක්වමින් ඇය සඳහන් කළේ කාන්තා ක්‍රිකට් වෙනුවෙන් තමා විශාල සේවාවක් ඉටුකළ බවයි.
