ඝාතනය වූ නීතිඥවරයාගේ සහ බිරිඳගේ දේහයන් නිවසට

තලංගම, අකුරේගොඩදී වෙඩි ප්‍රහාරයකට ලක්ව ඝාතනය වූ නීතිඥවරයාගේ සහ ඔහුගේ බිරිඳගේ දේහයන් ඔවුන්ගේ පිටිගල ගොඩාමුණ නිවසට රැගෙන ගොස් ඇත.

අද (15) උදෑසන සිට අවසන් ගෞරව දැක්වීම සඳහා ඔවුන්ගේ දේහයන් බොරැල්ලේ පිහිටි පෞද්ගලික මල් ශාලාවක තැන්පත් කර තිබු අතර පසුව මෙලෙස ඔවුන් දෙපළගේ දේහයන් නිවස වෙත රැගෙන යාමට කටයුතු කර ඇත.

ජනාධිපතිගේ නිවස ඉදිරිපිටදීම මහ දවාලේ වෙඩි - රටේ ආරක්ෂාව අවදානමක් - නාමල් කියයි

තලංගම, අකුරේගොඩ යුද හමුදා මූලස්ථානයට කිලෝමීටරයක් පමණ ආසන්නයේ පිහිටි සුපිරි වෙළෙඳසැලක රථගාලේ සිකුරාදා (13) පස්වරු 5ට පමණ සිදුවූ වෙඩි තැබීමකින් නීතීඥවරයා සහ ඔහුගේ බිරිඳ ජීවිතක්ෂයට පත්විය.

මෝටර් රථයකින් පැමිණි නාඳුනන තුවක්කුකරුවන් දෙදෙනෙක් පිස්තෝල වර්ගයේ ගිනිඅවියක් හා ටී-56 වර්ගයේ ගිනිඅවියකින් වෙඩිතබා පලා ගොස් තිබුණි.

වසර 14කට පසු ශ්‍රී ලංකා නීතිඥ සංගමය රැස්වෙයි - නීතිඥයන්ට වෙඩි තබා ඝාතනය කිරීම ගැන සාකච්චා

මෙලෙස ඝාතනයට ලක්වූයේ 44 හැවිරිදි නීතීඥ බුද්ධික මල්ලවආරච්චි සහ ඔහුගේ බිරිඳ 42 හැවිරිදි ඩබ්ලිව්.ඒ. නිසංසලාය. මෙම ඝාතන සම්බන්ධයෙන් පොලිස්පතිවරයාගේ උපදෙස් මත අපරාධ පරීක්ෂණ දෙපාර්තමේන්තුව, පොලිස් විශේෂ කාර්ය බලකා නිලධාරීන් හා පොලිස් මධ්‍යම අපරාධ විමර්ශන කාර්යාංශයේ ඇතුළු විශේෂ පොලිස් කණ්ඩායම් දහයක් යොදවා පරීක්ෂණ පවත්වයි.