නාමල් රාජපක්ෂගෙන් විශේෂ ඉල්ලීමක් - මොකද්ද මේ ඉල්ලීම ?

මෙරටින් ගන්නා භාණ්ඩ සඳහා 44%ක තීරුබදු පැනවීමට එක්සත් ජනපදය ගත් තීරණයෙන් පසු රට ආර්ථික අභියෝගවලට මුහුණ දෙන බැවින්, සියලු දේශපාලන පක්ෂ සිය වෙනස්කම් නොතකා එක් වන ලෙස ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා ඉල්ලා සිටිනවා.

මෙම තීරුබදු ඇඟලුම් වැනි ප්‍රධාන අංශවලට දැඩි ලෙස බලපානු ඇති බව ද විරැකියාව වැඩි වීමට හේතු විය හැකි බව ද නාමල් රාජපක්ෂ මහතා ප්‍රකාශ කර සිටියා.

ලංකාව තවමත් 2022 ආර්ථික අර්බුදයෙන් යථා තත්ත්වයට පත්වෙමින් සිටින බැවින්, රජයේ අපනයන ඉලක්ක දැන් අවදානමට ලක්ව ඇති බවත්, එමඟින් ආර්ථික ප්‍රකෘතිය තවත් දුෂ්කර වන බවත් නාමල් රාජපක්ෂ මහතා වැඩිදුරටත් සඳහන් කරනු ලැබුවා.

එමෙන්ම, ඇමෙරිකා එක්සත් ජනපදය සමග සාකච්ඡා සාර්ථක නොවන්නේ නම්, අයවැය යෝජනා නැවත සකස් කර අපනයන ආදායම් පවත්වා ගැනීම සඳහා විකල්ප විසඳුම් සොයන ලෙසයි ඔහු රජයෙන් ඉල්ලා සිටිනවා.

“අපි මෙම දැවැන්ත බාධකයට මුහුණ දෙන බැවින්, සියලු දේශපාලන පක්ෂ එක්ව කටයුතු කර බලපෑමට ලක් වූ අංශවලට සහාය වීමට කාලයයි” යනුවෙන් නාමල් රාජපක්ෂ මහතා වැඩිදුරටත් පවසා සිටියේය.

මහා රෑ පෙම්වතිය එක්ක පෙම්සුව විඳින්න ගිය පෙම්වතාට සිදුවූ දේ - හැමදේම වීඩියෝ කරලා අන්තිමට පෙම්වතියවත් උදුරාගෙන

වැලිකඩ පොලිස් අත්අඩංගුවේදී මියගිය සත්සර නිමේශ්ට යුක්තිය ඉල්ලා විරෝධතාවක්