මේ තරම් භයානකද..?සියල්ලන් බිය වද්දමින් හරක් හොරෙකු සතුව තිබූ දේ..

ලුණුගම්වෙහෙර පොලීසියට ,ගෙවත්තේ ගැටගසා සිටි රුපියල් 450,000ක් පමණ වටිනා ගවයින් දෙදෙනෙකු සොරාගෙන ඇති බවට පැමිණිල්ලක් ලැබී තිබෙනවා.

ඒ අනූව ක්‍රියාත්මක වූ පොලිසිය අදාළ ගවයින් දෙදෙනා සමඟ සැකකරුවන් තිදෙනෙකු අත්අඩංගුවට ගත්තා.

වැඩිදුර පරික්ෂාවේදී එක් සැකකරුවකු සඟවාගෙන සිටි විදේශීය රටක නිෂ්පාදිත ජීව අත් බෝම්බයක් සොයා ගැනීමටද පොලිසිය සමත් වුණා.

පොලිසිය පැවසුවේ, මෙම සැකකරැවන් තිදෙනා වීරවිල, හම්බන්තොට, බඳගිරිය හා ලුණුගම්වෙහෙර, කුඩාගම්මානපහ ප්‍රදේශයන්හි පදිංචිකරුවෝ බවයි.

අදාල පැමිණිල්ල සිදුකර තිබුණේ කතරගම, ලුණුගම්වෙහෙර පාරේ, කුඩාගම්මානපහ, දකුණු ඉවුර පදිංචි කාන්තාවක්.

අද (4) අත්අඩංගුවට ගත් සැකකරුවන් තිස්සමහාරාම අධිකරණය හමුවට ඉදිරිපත් කළ බවයි ලුණුගම්වෙහෙර පොලිසිය පැවසුවේ.