උත්සවයක් අතරතුර දී පුද්ගලයින් 09 දෙනෙකු මරුට
Mithu
කැනඩාවේ අගනුවර වන වැන්කුවර් නගරයේ පිලිපීන ජාතිකයින් විසින් පැවැත් වූ උත්සවයක සිටි පිරිසක් දෙසට එකවැර මෝටර් රථයක් ධාවනය කිරීමෙන් සිදු වූ අනතුරින් පුද්ගලයින් 09 දෙනෙකු මියගොස් තිබේ. විදෙස් මාධ්‍ය පැවසුවේ තවත් බොහො පිරිසක් තුවාල ලබා ඇති බව එරට පොලීසිය විසින් තහවුරු කර ඇති බවය.
මෝටර් රථය පැදවූ සැකකරු මේ වනවිට අත්අඩංගුවට ගෙන ඇති අතර ඔහු එම ප්‍රදේශයේම පදිංචිව සිටින 30 හැවිරිදි පුද්ගලයෙකු බව අනාවරණය වී ඇත. එමෙන්ම එරට පොලීසිය පවසා ඇත්තේ මෙය ත්‍රස්තවාදී ක්‍රියාවක් නොවන බවයි. කෙසේ වෙතත් සැකකරුගේ අනන්‍යතාවය තවමත් ප්‍රසිද්ධ කර නොමැති බව සඳහන් වේ.
කැනේඩියානු අගමැති මාර්ක් කාර්නි නිවේදනයක් නිකුත් කරමින් පවසා ඇත්තේ මෙම බිහිසුණු සිදුවීම් ගැන අසා තමන් කම්පාවට පත් ව සිටන බවය. මෙම අනතුරු එරට වෙලාවෙන් 26 වන සෙනසුරාදා රාත්‍රී 8ට පමණ (GMT 03:00, BST 04:00) සිදු වී ඇති බව විදෙස් මාධ්‍ය පවසයි.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
