මෙරට තුන්වන කොවිඩ් එන්නත හෙට සිට.. මුලින්ම ලැබෙන පිරිසත් මෙන්න.

සෞඛ්‍ය කාර්යමණ්ඩල ඇතුළු ඉදිරි පෙර වෘත්තිකයන්ට කොරෝනා මර්ධන එන්නතේ තුන් වන මාත්‍රාව ලබා දීම හෙට සිට ආරම්භ කිරීමට නියමිතයි.

ඒ සඳහා සියලු කටයුතු සියලූ කටයුතු සූදානම් කර ඇති බව සෞඛ්‍ය අමාත්‍ය කෙහෙළිය රඹුක්වැල්ල සඳහන් කළා.

මෙරට ජනතාවට ලබා දීම ආරම්භ කෙරෙන අතර එහිදී සෞඛ්‍යය, ආරක්ෂක හා සංචාරක ක්ෂේත්‍රයේ නියැලෙන්නන් ඇතුළු ඉදිරි පෙර පිරිස් සඳහා ප්‍රමුඛතාවය ලබා දීමට නියමිතයි.

මේ සඳහා මිලියනයක එන්නත් තොගයක් ලැබී ඇති අතර සෑම සතියකම ලක්ෂ 4ක එන්නත් ප්‍රමාණයක් මෙරටට ලැබෙන බවද අමාත්‍යවරයා පෙන්වා දුන්නා.

විවිධ හේතු මත එන්නත්කරණයට යොමු නොවූ පිරිස් ඒ සඳහා යොමු කරවීමට එවැන්නන් සොයා ගෙයින් ගෙට ගොස් එන්නත් කරණයට යොමු කෙරෙන බව ද අමාත්‍යවරයා සදහන් කළා.