අයියව ඝාතනය කර මල්ලි පොලිසි ඇවිත්

පින්වත්ත පොලිසිය පවසන්නේ වැඩිමල් සහෝදරයාට පහර දී ඝාතනය කල සහෝදරයෙක් අත්අඩංගුවට ගත් බවයි.

දෙසොහොයුරන් අතර ඊයේ රාත්‍රියේ ඇතිවූ ආරවුලක් දුරදිග යාමෙන් මෙම පහර දීම සිදු කර ඇතැයි වාර්තා වනවා.

පින්වත්ත මීගහ කෝවිල පාරේ පදිංචිව සිටි 39 හැවිරිදි වියේ පසු වූ අයෙක් මෙලෙස ඝාතනයට ලක්ව තිබෙනවා.

බාල සොහොයුරා විසින් වැඩිමල් සොයුරාගේ හිසට අතින් පහර දී ඇති අතර පහර කෑමට ලක්වූ වැඩිමල් සොයුරා බිම ඇඳ වැටීමෙන් හිස බිම වැදී මෙම මරණය සිදුව ඇති  බව සිදුකළ පරීක්ෂණවලින් අනාවරණය වී තිබෙනවා.

පසුව බාල සොයුරා පොලිසියට භාර වී ඇති අතර අත්අඩංගුවට ගැනුණු සැකකාර සොයුරා පානදුර මහේස්ත්‍රාත් අධිකරණයට ඉදිරිපත් කිරීමට නියමිතයි.

සිද්ධිය සම්බන්ධයෙන් පින්වත්ත පොලිසිය වැඩිදුර විමර්ශන සිදු කරනු ලබනවා. 

දළදා වන්දනාව ඉරිදායින් අවසන්....දියවඩන නිලමේවරයාගෙන් ප්‍රකාශයක්