විනාඩි 02න් ඉන්දියාවම පිස්සුවට්ටපු යොහානි අද කරන වැඩේ...ශාරුක්ගේ බිරිඳ අතින් අල්ලන් කියපු දේ මෙන්න.
Aruna
ළඟදීම තමා නිකුත් කරන නව ගීත ඇල්බමයත් සමග ,රසිකයින් තම සංගීතය හා නිරතුරුවම රැදී සිටිනු බවට විශ්වාස යැයි සිය ප්‍රථම සංගීත ප්‍රසංගය සදහා ඉන්දියාවට ගොස් සිටින , ලොව පුරා රටවල් රැසක ජනාදරයට පත්වූ මෙරට නව පරපුරේ ගායිකා යොහානි ද සිල්වා මෙනවිය ඉන්දියාවේදී පැවසුවාය.
ඇය මේ බව සඳහන් කර ඇත්තේ, ඉන්දියාවේ ප්‍රසිද්ධ රූපවාහිනී නාලිකාවක් වන සී ටීවී(ZEE Tv )සමඟ සජීවීව සම්මුඛ සාකච්ඡාවක් සඳහා එක්වෙමිනි.
ඇයගේ මෙම ඉන්දීය සංගීත ප්‍රසංග සංවිධානය කළ සංවිධායක වන්නේද එම මාධ්‍ය ආයතනයයි.
විනාඩි 17 තත්ත්පර 25 ක ධාවන කාලයකින් යුතු එම සම්මුඛ සාකච්ඡාවේදී යොහානි තමන් ගේ සංගීත වෘත්තීයේ පටන් ගැන්ම , පවුලේ අයගෙන් හා සංගීත ක්ෂේත්‍රයෙන් ලැබුණු සහාය ආදී කාරණා සහ එක් රැයෙන් ඇය ගායනා කල “මැණිකේ මගේ හිතේ ” ප්‍රතිනිර්මාණ ගායනය ජනප්‍රිය වීම සම්බන්ධයෙන් ඉතා ධනාත්මක ලෙසින් අදහස් දැක්වූවාය.
ඇය සමග සම්මුඛ සාකච්ඡාවේ නිරතවූ මාධ්‍යවේදිනිය ඇසූ ප්‍රශ්න කිහිපයක් පහතින් දැක්වේ.
සී ටීවි මාධ්‍යවේදිනිය -ඔබ කවද්ද හිතුවේ අමිතාබ් බච්චන්, මධුරි ඩික්සිත් වගේ තරුවක් වෙයි කියලා.
හැමෝම ඔබේ ගීතයට නර්තන ඉදිරිපත් කරලා තිබ්බා. කවද්ද දැනගත්තේ මගේ ගීතය ප්‍රසිද්ධ වුණා කියලා?
යොහානි- “මම නිවැරදි නම් ශ්‍රී ලංකාවේ ජනගහනය මිලියන 23 විතර වනවා.
මේ ගීතය මිලියන 20 ඉක්මවද්දී මම හිතුවා ශ්‍රී ලංකාවට ලොකු දෙයක් කියලා.
නමුත් මේ ගීතය ඉන්දියාව ඇතුළු විදෙස් රටවලට ගිහින් මිලියන 20 ඉක්මවා ගියාම මට හිතා ගන්නවත් බැරි වුනා.”
මාධ්‍යවේදිනිය – ඔබට හින්දි භාෂාව පුළුවන් ද ?
යොහානි -ඇත්තටම මට ඉංග්‍රීසි භාෂාව හොදින් හැසිරවීමට පුළුවන් වුනත් හින්දි භාෂාව ඉතාම හොදින් හසුරුවන්න බැහැ.
ඒත් අපි බලමු ඉක්මනින්ම හින්දි භාෂාවත් ඉගෙන ගන්න.
ප්‍රශ්නය – ඔබේ රසිකයින්ට දෙන පණිවිඩය මොකක්ද?
“හැමෝටම මම ස්තූතිවන්ත වෙනවා. මගේ සංගීතයත් සමඟ ඉන්න.
ඉදිරියේදී මම ඇල්බමයක් නිකුත් කරන්න බලාපොරොත්තු වෙනවා. මගේ අලුත් ගීතයක් ඉක්මනින්ම නිකුත් වනවා.
මගේ සංගීතයට උදව් කරන්න.ගොඩාක් ස්තූතියි.මේ දුන් හැම ගෞරවයකටම යැයි ද යොහානි කියා සිටියාය.
සතීෂාන් රත්නායක ගායනා කළ , දුලාන් ආර්එක්ස් ගේ පද රචනයෙන්. හා. චමත් සංගීත් සංගීත අධ්‍යක්ෂණය කළ “මැණිකේ මගේ හිතේ ” ගීතය ප්‍රති ගායනා කීරීමෙන්මෙන් ජාත්‍යන්තරය දිනාගත් නව පරපුරේ ගායිකා යොහානි ද සිල්වාගේ ඉකුත් 30 වැනිදා ඉන්දියාවේ ගුරුග්රෑම් හී පිහිටි ස්ටූඩියෝ එක්ස් ඕ අවන්හලේදී පැවති පළමු ජාත්‍යන්තර ගෘහස්ත ප්‍රසංගයේ ඡායාරූප එම අවන්හල විසින් සිය නිල ෆේස්බුක් පිටුව හරහා සමාජ මාධ්‍ය වෙත මුදා හැර තිබිණි.
එම ඡායාරූප වලින් ඇයට ඉන්දීය සංගීත රසිකයින් ගෙන් ඉතා ඉහළ ආකර්ෂණයක් ලැබුණු ආකාරය දක්නටද ලැබේ.
මේ අතර අද( 03 ) හයිද්‍රාබාද් නගරයේ හාට් කප් අවන්හලේ දී සිය දෙවැනි සංගිත ප්‍රසංගය පවත්වන අතර ඊට ද ඉන්දීය සංගීත ලෝලීන් ගේ දැඩි ආකර්ෂණය හිමි වනු ඇත .
මේ අතර මැණිකේ මගේ හිතේ ගීතයෙන් ඉමහත් ජනාදරයට පත්වූ යෝහානි ද සිල්වා ගේ පළමු ඉන්දීය ප්‍රසංගය නැරඹු බොහෝ පිරිස් මේ වන විට විවිධ සටහන් තබමින් සිටිති.
ඒ අනුව ඊයේ පැවති යෝහානිගේ ප්‍රසංගය නැරඹීමට බොලිවුඩ් සුපිරි නළු ශාරුක් ඛාන්ගේ බිරිඳ ගෞරි ද පැමිණ තිබිණි.
ප්‍රසංගය අවසන් වීමෙන් පසු මාධ්‍ය වෙත අදහස් දක්වමින් ඇය මෙසේ පවසා තිබිණි.
“ලංකාවේ සුන්දර රටක් කියලා අහලා තිබ්බට, ලංකාවේ ජනතාව මෙතරම් සුන්දරයි කියලා දැන ගත්තේ අද.
මලක් වගේ පුංචි කෙල්ල අපේ මුළු භාරයතම පිස්සු වට්ටලා.”
මේ අතර ඇය සිය අවසන් රඟ දැක්වීමේ දී ගිටාරය මුහුණේ වැදීමෙන් අනතුරකට ලක් වී ඇති බව ඇය සිය ෆේස්බුක් ගිණුමේ සටහනක් තබමින් ප්‍රකාශ කර තිබුණා.
ඇය පවසා සිටින්නේ කෙසේ හෝ ඊළඟ ප්‍රසංගයට ද සහභාගි වන බවයි.
ඇය මේ වන විට සිටින තත්වය වෙන ඡායාරූපයක් ද ඇය සමාජ මාධ්‍යට මුදා හැර තිබුණා.
එම ඡායාරූපය සහ ඇය පළ කළ සටහන පහතින්.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... |
