අද සිට දිවයින පුරා සිදුවන මේ දේ ගැන දන්නවා ද කියලා බලන්න - කාලගුණයෙන් දැනුම්දීමක් මෙන්න.

අද (27) සිට ඉදිරි දින කිහිපයේ දිවයිනේ බොහෝ ප්‍රදේශවල වැසි සහිත කාලගුණ තත්ත්වයේ වැඩි වීමක් බලාපොරොත්තු විය හැකි බව කාලගුණ විද්‍යා දෙපාර්තමේන්තුව සඳහන් කළේ ය.

උතුරු, උතුරු මැද සහ නැගෙනහිර පළාත්වල තැනින් තැන වැසි හෝ ගිගුරුම් සහිත වැසි ඇති විය හැකිය.

එමෙන්ම, දිවයිනේ සෙසු පළාත්වල පස්වරු 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව නිකුත් කළ නිවේදනයේ සඳහන් වේ.

කෙසේ වෙතත්, ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටියි.

මේ අතර  අතර බදුල්ල, මහනුවර, කෑගල්ල සහ රත්නපුර යන දිස්ත්‍රික්කවලට පනවා තිබූ නායයෑමේ අවධානම තවදුරටත් ක්‍රියාත්මකයි.

අද දවසේ කාලගුණ අනාවැකිය මෙන්න - බැහැරට යනවා නම් ඔබත් මේ ගැන අවධානයෙන් සිටින්න..