සිරියාවේ IS ඉලක්ක වෙත අමෙරිකාවෙන් දරුණු ප්‍රහාරයක් ,හේතුව මෙන්න

සිරියාවේ ක්‍රියාත්මක IS ත්‍රස්ත සංවිධානයට අයත් ඉලක්ක කිහිපයක් වෙත අමෙරිකා එක්සත් ජනපද හමුදාව විසින් දැවැන්ත ප්‍රහාර මාලාවක් දියත් කර ඇත.

IS ත්‍රස්ත සංවිධානය විසින් පසුගිය මාසයේදී සිදුකළ ප්‍රහාරයකින් අමෙරිකානු හමුදා සෙබළු දෙදෙනෙකු සහ අමෙරිකානු සිවිල් පරිවර්තකයෙකු මියයාමේ සිද්ධියට ප්‍රතිචාර වශයෙන් මෙම ගුවන් ප්‍රහාර සිදුකර තිබෙන බව අමෙරිකා හමුදාව සඳහන් කර තිබේ .

එම ගුවන් ප්‍රහාර අමෙරිකානු වේලාවෙන් ඊයේ දහවල් 12.30ට පමණ සිදුකර ඇති බව විදෙස් මාධ්‍ය සදහන් කර තිබේ තවද අමෙරිකා හමුදා සහ හවුල් හමුදා මෙම ප්‍රහාරට සහභාගී වූ බව විදෙස් මාධ්‍ය වාර්තා කර ඇත.

"මචාඩෝගේ යෝජනාව ප්‍රතික්ෂේපයි.. ට්‍රම්ප්ට සම්මානය දෙන්න බෑ" - නොබෙල් ආයතනය කියයි

ඒ වගේම “Operation Hawkeye Strike” ලෙස නම් කළ පළමු ප්‍රතිප්‍රහාරය පසුගිය දෙසැම්බර් 19 වන දින අමෙරිකා එක්සත් ජනපදය සහ ජෝර්දානය එක්ව ක්‍රියාත්මක කර ඇත.

ඉන් පසු IS ඉලක්ක කර ගනිමින් අඛණ්ඩව අතිරේක ගුවන් හා භූමි ප්‍රහාර සිදුකරමින් පවතින බවද අමෙරිකානු හමුදාව වැඩිදුරටත් සඳහන් කර තිබේ. ඒ වගේම පසුගිය දෙසැම්බර් 13 වන දින සිරියාවේ පල්මයිරා ප්‍රදේශයේදී IS සංවිධානයට අයත් තනි වෙඩිකරුවෙකු විසින් සිදුකළ ප්‍රහාරයකින් අමෙරිකානු සෙබළු දෙදෙනෙකු සහ අමෙරිකානු සිවිල් පරිවර්තකයෙකු මියගොස් තිබේ.

එම අමෙරිකානු හමුදාව සදහන් කරන්නේ වෙඩික්කරු පසුව ඝාතනය කර ඇති බවයි.  

මල් නෙලන්න ගිය මල්කැකුළ සදහටම පරවෙයි