හිටපු මහජන ආරක්ෂක ඇමති ටිරාන්ට ඩුබායි සිට මරණ තර්ජන

හිටපු මහජන ආරක්ෂක අමාත්‍ය ටිරාන් අලස් මහතාට විදෙස්ගත සංවිධානාත්මක අපරාධ කල්ලි නායකයන්ගෙන් මරණ තර්ජන එල්ල වෙමින් පවතින බව වාර්තා වේ.

මෙම තර්ජන මුලින්ම 2025 මැයි 4 වන දින එක්සත් අරාබි එමීර්යේ සිට යවන ලද නිර්නාමික ලිපියක් හිටපු අමාත්‍යවරයාගේ කාර්යාලයට ජූලි 9 වන දින ලැබීමත් සමඟ ආරම්භ විය.

එම ලිපියේ සඳහන් වූයේ, ‘යුක්තිය’ මෙහෙයුම හේතුවෙන් ඔවුන්ගේ සාමාජිකයන්ට රටින් පලා යාමට සිදුවූ බවත්, ව්‍යාපාර විනාශ වී පවුල් විසිරී ගිය බවත්, ඒ සඳහා පළිගන්නා බවත්, ජීවිතයෙන් වන්දි ගෙවීමට සූදානම් වන ලෙසත් ය.

හිටපු මහජන ආරක්ෂක ඇමති ටිරාන්ට ඩුබායි සිට මරණ තර්ජන

අලස් මහතා මෙම ලිපිය වහාම වැඩබලන පොලිස්පතිවරයා වෙත යොමු කළ අතර, පොලිසිය ඔහුගෙන් ප්‍රකාශයක් ලබාගෙන විශේෂ විමර්ශනයක් ආරම්භ කළේය.

පසුව, ජූලි 16 වන දින ඩුබායි සිට තැපැල් කරන ලද දෙවන තර්ජනාත්මක ලිපියක්, “අවසන් නිවේදනයක්” ලෙසින් අගෝස්තු 28 වන දින ඔහුගේ කාර්යාලයට ලැබී ඇත. එහි සඳහන් වූයේ, කොතරම් ආරක්ෂාවක් යටතේ සිටියද, වැඩි දිනක් යාමට පෙර ඔහුව මරා දමන බවයි. මෙම ලිපියද ඔහු විසින් පොලිස්පතිවරයා වෙත යොමු කරන ලදී.

පොලිසිය මේ සම්බන්ධයෙන් විශේෂ විමර්ශනයක් ආරම්භ කර ඇති අතර, ටිරාන් අලස් මහතාගේ ආරක්ෂාව සම්බන්ධයෙන් බුද්ධි අංශ විසින් විශ්ලේෂණ සිදු කරමින් පවතී. පෙබරවාරි 18 වන දින BBC වාර්තාවකට අනුව, ඔහුට එල්ල වූ තර්ජන සම්බන්ධයෙන් ආරක්ෂක විශේෂඥයින් විසින් තර්ජන විශ්ලේෂණයක් සිදු කරන බව මහජන ආරක්ෂක අමාත්‍ය ආනන්ද විජේපාල ප්‍රකාශ කර ඇත.

කන්ටේනර් ගැටලුව ගැන අර්චුනාගේ මතය බොරුවක් වෙන්න බැහැ - නාමල් ඇත්ත හෙළි කරයි

ටිරාන් අලස් මහතා 2022 මැයි මාසයේ සිට 2024 දක්වා මහජන ආරක්ෂක අමාත්‍යවරයා ලෙස කටයුතු කළ අතර, ඔහුගේ ධුර කාලය තුළ ‘යුක්තිය’ මෙහෙයුම යටතේ මත්ද්‍රව්‍ය ජාවාරම්කරුවන් සහ පාතාල කල්ලි සාමාජිකයන්ට එරෙහිව දැඩි පියවර ගන්නා ලදී. 2024 ජූලි 4 වන දින මාධ්‍ය හමුවකදී ඔහු ප්‍රකාශ කළේ, මෙම මෙහෙයුම හේතුවෙන් තම ජීවිතයට තර්ජන එල්ල වී ඇති බවත්, එහෙත් රටේ ඉදිරි පරපුර වෙනුවෙන් මත්ද්‍රව්‍ය සහ පාතාලය තුරන් කිරීමට කැපවන බවත් ය.

පෙබරවාරි 18 වන දින BBC වාර්තාවකට අනුව, ටිරාන් අලස් මහතාට එවකට විශේෂ කාර්ය බළකායේ (STF) ආරක්ෂකයින් හය දෙනෙකු පමණ ලබා දී ඇති අතර, ඔහුගේ ආරක්ෂාව පිළිබඳව මාස හයකට වරක් විශ්ලේෂණ සිදු කරන බව මහජන ආරක්ෂක අමාත්‍යවරයා පවසා ඇත.

හරිනි අමරසූරියගේ ස්ථාවරය පිළිබඳ 'පදනම් විරහිත' ප්‍රකාශ ජවිපෙ ප්‍රතික්ෂේප කරයි

විනිසුරුවන් දෙදෙනෙක් තනතුරු වලින් දොට්ට - මේකයි හේතුව

අද ඔබේ දියුණුවට යහපත් දිනයක් - අද ලග්න පලාඵල