හිටපු මහජන ආරක්ෂක ඇමති ටිරාන්ට ඩුබායි සිට මරණ තර්ජන

හිටපු මහජන ආරක්ෂක අමාත්‍ය ටිරාන් අලස් මහතාට ඊයේ (05) ඩුබායිහි සිට පාතාල නායකයකු විසින් දුරකථන ඇමතුම් කිහිපයක් මගින් මරණ තර්ජන එල්ල කර ඇති බව වාර්තා වේ.

මෙම තර්ජන, ටිරාන් අලස් මහතා මහජන ආරක්ෂක අමාත්‍යවරයා ලෙස කටයුතු කළ සමයේ රටින් පලාගොස් සිටින පාතාල නායකයින් සහ සාමාජිකයින් ශ්‍රී ලංකාවට ගෙන්වා ගැනීමට නියෝග කිරීම සම්බන්ධයෙන් කළ ප්‍රකාශවලට ප්‍රතිචාර වශයෙන් එල්ල වූ බව සඳහන් වේ.

පාර්ලිමේන්තුවේ කථානායකට සපයා ඇති පහසුකම් ගැන මහ ලේකම් කාර්යාලයෙන් නිවේදනයක්

මෙම සිදුවීම පිළිබඳව පොලිස්පතිවරයා විසින් සියලුම පොලිස් විශේෂ අංශ දැනුවත් කර ඇති අතර, මරණ තර්ජන සම්බන්ධයෙන් විමර්ශනයක් ආරම්භ කර ඇත. විමර්ශනවලදී තර්ජන එල්ල කළ පුද්ගලයින් හඳුනා ගැනීම, ඔවුන්ගේ චේතනා සහ තර්ජනවල බරපතලකම තහවුරු කිරීමට පොලිස් කණ්ඩායම් කටයුතු කරමින් සිටී.

ටිරාන් අලස් මහතා තම අමාත්‍ය ධුරයේ කටයුතු කළ සමයේ පාතාල ක්‍රියාකාරකම් මැඩලීම සඳහා දැඩි පියවර ගත් අතර, විදේශයන්හි සැඟව සිටින පාතාල නායකයින් ආපසු ගෙන්වා ගැනීමට ජාත්‍යන්තර සහයෝගය ලබා ගැනීමට කටයුතු කළේය. මෙම තර්ජන එම ක්‍රියාවලියට ප්‍රතිචාරයක් ලෙස එල්ල වන්නට ඇතැයි පොලිස් ආරංචි මාර්ග සඳහන් කරයි.

EPF ගැන ළඟදිම සුබ ආරංචියක්

පොලිස්පතිවරයාගේ මෙහෙයවීම යටතේ මෙම තර්ජනවල බරපතලකම හා ඒවායේ ආරක්ෂක බලපෑම පිළිබඳව ගැඹුරු විමර්ශනයක් සිදු කෙරෙන අතර, අදාළ පුද්ගලයින් අත්අඩංගුවට ගැනීමටත්, ටිරාන් අලස් මහතාගේ ආරක්ෂාව තහවුරු කිරීමටත් අවශ්‍ය පියවර ගනු ලැබේ.

සාමාන්‍ය පෙළ විභාගය ප්‍රතිඵල 2024 - නිකුත්වෙන දිනය මෙන්න