ඡන්දයට රාජ්‍ය දේපළ අවභාවිතා කරලා - පැෆරල් කියයි
Hashini
පළාත් පාලන ඡන්දයේ, ඡන්ද විමසීමේ කටයුතු අද (6) උදෑසන 7ට ආරම්භ වුණා.
නිදහස් හා සාධාරණ මැතිවරණයක් සඳහා වූ ජනතා ක්‍රියාකාරීත්වය (පැෆ්රල්) මෙවරත් මැතිවරණ නිරීක්ෂණ කටයුතුවල නිරත වී සිටියි.
මේ අතරවා‍රයේ දී පැෆ්රල් සංවිධානය කළා යැයි දැක්වෙන ප්‍රකාශයක් ෆේස්බුක් සමාජ මාධ්‍ය ඔස්සේ පළ වී තිබෙනවා.
“රාජ්‍ය දේපළ අවභාවිතා නොකල , ඉතිහාසයේ පළමු මැතිවරණය මෙයයි.- පැෆ්රල් සංවිධානය -” යනුවෙන් එම සමාජ මාධ්‍ය සටහනේ දැක්විණි.
එම සංවිධානය පවසන්නේ මෙය අසත්‍ය ප්‍රකාශයක් වන බවයි.
මෙය අසත්‍ය ප්‍රකාශයක් වන අතර පැෆ්රල් සංවිධානය මෙවර පළාත් පාලන ඡන්ද විමසීම සම්බන්ධයෙන් එවැනි ප්‍රකාශයක් හෝ නිවේදනයක් හෝ සිදු කර නොමැති බවයි එම සංවිධානය පවසන්නේ .
අප්‍රේල් 18 වැනිදා වනවිට රාජ්‍ය බලය සහ රාජ්‍ය දේපළ අවභාවිත කිරීමේ සිදුවීම් 20කට ආසන්න ප්‍රමාණයක් වාර්තා වන බව පැෆ්රල් ආයතනයේ විධයක අධ්‍යක්ෂ රෝහණ හෙට්ටිආරච්චි මහතා ප්‍රකාශ කළා.
පැෆ්රල් සංවිධානයේ මැතිවරණ නිරීක්ෂණ වාර්තාවලට අනුව මැයි මස 05 වැනිදා රාත්‍රිය වනවිට අදාළ සිදුවීම්වලින් 18ක් තහවුරු කර තිබෙනවා.
