Stand-up comedy ප්‍රසංගයකදී චීන හමුදාවට කළ අපහාසයට තරුණයෙකුට ලැබුණු බරපතළ දඬුවම.

චීන stand-up comedy ප්‍රසංගයකදී ජනාධිපති ෂී ජින්පින් එරට මහජන විමුක්ති හමුදාවේ සෙබළුන් දිරිගැන්වීමට භාවිත කරන fight and win battles ප්‍රකට කියමන හාස්‍යයට ලක් කරමින් හමුදාවට අපහාස සිදු කළා යැයි, ලී හඕෂී නමැති තරුණයකු අත්අඩංගුවට ගෙන බරපතළ සිරදඬුවම් නියම කිරීමට චීන රජය තීරණය කර ඇති බව වාර්තා වෙනවා.

ඔහු විසින් චීන හමුදාවට සිදු කරනු ලැබූ අපහාසය එරට නීතිය යටතේ අපරාධ චෝදනා ගොනු කළ හැකි බවත්, ඒ අනුව ඔහුට දිගු කාලයක් සිරබත් කෑමට සිදුවනු ඇති බවත් සඳහන්.

එමෙන්ම චීන හමුදාව අපහාසයට ලක් කිරීම හේතුවෙන් ඔහු ඇතුළු එම කණ්ඩායමට ඩොලර් මිලියන 2ක දඩයක් පසුගියදා නියම කර තිබූ අතර, ‘හවුස්‘ නමින් ඉදිරිපත් කරන එරට stand-up comedy වැඩසටහන් සියල්ල තහනම් කිරීමට ද ජනාධිපති ෂී ජින්පින් නියෝග කර තිබෙනවා.

මේ අතර ඔහුගේ වැඩසටහන සමාජ මාධ්‍ය ජාලයට මුදා හැරීමට කටයුතු කළ 34 හැවිරිදි චීන කාන්තාවක් ද මේ වන විට අත්අඩංගුවට ගෙන ඇති බවයි වාර්තා වන්නේ.

පසුව එම කණ්ඩායමේ හිමිකරුවන් රැකියාවෙන් ඉවත් කළ ලී හඕෂී පසුව සිය ප්‍රකාශය හේතුවෙන් ප්‍රසිද්ධියේ ජනතාවගෙන් සමාව ඉල්ලා තිබෙනවා.