පුටින්ව තවත් පුටුවකින් එළවා දමයි - දැන් නම් පුටින්ට පැදුරත් නැති වෙන ලකුණු !

"අපිට ඕනෙ සාමය"

ජාත්‍යන්තර ජූඩෝ සම්මේලනය රුසියානු ජනාධිපති ව්ලැඩිමීර් පුටින්ගේ සියලු තනතුරු අත්හිටුවා ඇති බව CNA වාර්තා කරනවා.

පුටින් තමයි ජාත්‍යන්තර ජූඩෝ සම්මේලනයේ සභාපති සහ තානාපති තානාපති තනතුරු දැරුවේ. කොහොම වුණත් සිකුරාදා ප්‍රකාශයක් නිකුත් කරමින්, ජාත්‍යන්තර ජූඩෝ සම්මේලන‍ය ඔහුගේ සේවය අත්හිටුවීම තහවුරු කළා.

"යුක්රේනයේ පවතින යුද ගැටුම්වලට වගකිවයුතු පාර්ශවය වන නිසා, ජාත්යන්තර ජූඩෝ සම්මේලනයේ ගෞරවනීය සභාපති සහ තානාපති ලෙස ව්ලැඩිමීර් පුටින් මහතාගේ තත්ත්වය අත්හිටුවන බව ජාත්යන්තර ජූඩෝ සම්මේලනය නිවේදනය කරයි."

“සෑම විටම සාමය සහ මිත්‍රත්වය, සමගිය සහ එකමුතුකම ප්‍රවර්ධනය කිරීම සඳහා, අපි, ක්‍රීඩා ප්‍රජාව, එකිනෙකාට සහ අපගේ විශ්වීය වටිනාකම්වලට සහයෝගය දැක්වීම සඳහා එක්සත්ව හා ශක්තිමත්ව සිටිය යුතුයි. ජූඩෝ පවුල බලාපොරොත්තු වන්නේ වර්තමාන නොසන්සුන්තාවය අවසන් මොහොතේ හෝ විසඳා ගැනීමටත්, නැගෙනහිර යුරෝපයේ සහ ලෝකයේ සාමාන්‍යභාවය සහ ස්ථාවරත්වය යළි ස්ථාපිත කිරීමටත්, යුරෝපයේ විවිධ සංස්කෘතීන්, ඉතිහාසය සහ උරුමය කෙරෙහි නැවත වරක් අවධානය යොමු කිරීමටත් හැකි වනු ඇති බවයි."IJF සභාපති Marius Vizer තවදුරටත් තීරණය පැහැදිළි කර සිටියා.

මේ අතර, යුක්රේනය හමුදා ආක්‍රමණය සම්බන්ධයෙන් රුසියාවට සම්බාධක පැනවූ එකම ක්‍රීඩා ආයතනය IFJ නෙමෙයි.

ජාත්‍යන්තර ජිම්නාස්ටික් සම්මේලනය (FIG) සෙනසුරාදා නිවේදනය කළේ රුසියානු සහ බෙලාරුසියානු ජාතික ධජ ඔවුන්ගේ අනුමත කිසිදු උත්සවයකදී ප්‍රදර්ශනය නොකරන බවයි.

ඔවුන්ගේ තරඟවලදී දෙරටේ ජාතික ගීය වාදනය කිරීම ද ඔවුන් ප්‍රතික්ෂේප කරනු ඇති.

ජාත්‍යන්තර ස්කේටිං සංගමය විසින් සියලුම රුසියානු සහ බෙලාරුසියානු ක්‍රීඩක ක්‍රීඩිකාවන්ට ඔවුන්ගේ ඉසව්වලට තරඟ කිරීම තහනම් කර ඇති බව ABC ප්‍රවෘත්ති වාර්තා කරනවා.