"කිසිම රුසියානු පිස්සු ආඥාදායකයෙකුට මා ජීවත් වන තැනින් සහ මා ආදරය කරන තැනින් මා ඉවතට තල්ලු කිරීමට අවස්ථාවක් නෑ." - අවි අතට ගත් යුක්‍රේන මන්ත්‍රීවරිය යුධ බිමට ගිය හැටි !

"මම මේක දාලා යන්නෙ නෑ. මේ මගේ නගරය, මේ මගේ රට" රුසියානු ආක්‍රමණයෙන් රටේ අගනුවර ආරක්ෂා කිරීමට ආයුධ අතට ගත් යුක්රේන මන්ත්‍රීවරියක් පවසා ඇත්තේ තමන් "අවශ්‍ය තාක් කල්" එසේ කරන බවයි.

Rada පාර්ලිමේන්තුවේ Voice පක්ෂයේ නායිකාව වන Kira Rudik පැවසුවේ රුසියානු සොල්දාදුවෙකු තම නිවසට පැමිණියහොත් ඇයට වෙඩි තැබිය හැකි බවට තමාට විශ්වාස බවයි.

සඳුදා(28) බීබීසී රේඩියෝ ස්කොට්ලන්ඩ් වෙත අදහස් දක්වමින් මන්ත්‍රීවරිය මෙසේ පැවසීය:

“මට පිටවීමට කිසිදු සැලසුමක් නැත, මෙය මගේ නගරය, මෙය මගේ රට, අවශ්‍ය තාක් කල් එය ආරක්ෂා කිරීමට මම සැලසුම් කරමි. කිසිම රුසියානු පිස්සු ආඥාදායකයෙකුට මා ජීවත් වන තැනින් සහ මා ආදරය කරන තැනින් මා ඉවතට තල්ලු කිරීමට අවස්ථාවක් නැත."

රුඩික් යුක්‍රේනයේ ප්‍රධාන තනතුරු තරකර ගැනීමට හමුදා බලඇණි සමඟින් සන්නද්ධ වීමේ යෝජනාව භාරගත් බොහෝ දෙනාගෙන් කෙනෙකි.

"අපට යුක්රේන පාර්ලිමේන්තුවේදී රයිෆල් ලැබුණු අතර පසුගිය දින කිහිපය තුළ මම එය භාවිතා කිරීමට පුහුණු වෙමින් සිටියෙමි, එබැවින් යමෙකු මගේ නිවසට පැමිණියහොත් මට වෙඩි තැබීමට හැකි වනු ඇතැයි මට විශ්වාසයි," ඇය පැවසුවා.