ඉන්ධන ලැබෙන වෙලාවන් ගැන අලුත්ම විසඳුමක්..රටපුරා කරන්න හදන දේ මෙන්න.

ඉන්ධන අර්බුධය අවම කිරීමේ අරමුණින් ඉන්ධන ලැබෙන වෙලාවන් සහ නොලැබෙන වෙලාවන් නිවැරදිව ජනතාවට දැකගත හැකි වන පරිදි බලශක්ති අමාත්‍යංශයෙන් සතියක් තුළ තාක්ෂණික පහසුකම් ඉන්ධනහල් වලට ලබාදීමට පියවර ගෙන ඇති බව බලශක්ති අමාත්‍යංශය පවසනවා.

මේ අතර ශ්‍රී ලංකාව මුහුණ දෙමින් ඇති ඉන්ධන හිගය මගහරවා ගැනීම සඳහා ඩීසල් ලබා දීමේ යෝජනාවක් චීනය විසින් ඉදිරිපත් කර ඇතත් ශ්‍රී ලංකාව තවමත් ඊට ප්‍රතිචාර දක්වා නැතැයි වාර්තා වේ.

චීනය විසින් මෙම යෝජනාව ඉදිරිපත් කර ඇත්තේ හදිසි ආධාර ලෙස ලබාදීමට වුවද ශ්‍රී ලංකාව මෙතෙක් ඒ සම්බන්ධයෙන් අවධානය යොමු කර නැතැයි ද ඩේලි මිරර් පුවත්පත වාර්තා කරයි.

ශ්‍රී ලංකාව මේ වන විට දැවැන්ත අර්බුදයකට මුහුණ දෙමින් සිටින අතර ඩීසල් සංචිත යම් ප්‍රමාණයකට ඇති නමුත් පෙට්ට්‍රල් තොග අවසාන වී තිබේ.

බලශක්ති අමාත්‍යවරයා ජනතාවට දැනුම් දී ඇත්තේ පෙට‍්‍රල් සපයන්නේ සීමිතව බැවින් පිරවුම්හල්වල පෝලිම්වල රැඳී නොසිටින ලෙසයි.