රාජ්‍ය සේවකයින්ට විශේෂ දැනුම්දීමක්.

රාජ්‍ය සේවකයින් කොරෝනා මාර්ගෝපදේශ අනුව සේවයට කැඳ වූ චක්‍රලේඛය මැයි 15 සිට ක්‍රියාත්මක වන පරිදි අත්හිටුවා ඇත.

ඒ අනුව මැයි 15 සිට ඇඟිලි සළකුණු යන්ත්‍ර භාවිතය පෙර පරිදි ක්‍රියාත්මක බව රාජ්‍ය පරිපාලන අමාත්‍යංශය සඳහන් කළේ ය.

එම විධිවිධානයන්ට අනුකූලව කටයුතු කිරීමට සියලුම ආයතන ප්‍රධානීන් විසින් කටයුතු කළ යුතු බව එම නිවේදනයේ දැක් වේ.

එමෙන්ම කොරෝනා මාර්ගෝපදේශ සම්බන්ධයෙන් නිකුත් කරන ලද 2021.10.01 දිනැති රාජ්‍ය පරිපාලන චක්‍රලේඛ 02/2021(V)හි 07 ඡේදයේ විධිවිධාන 2023.05.15 දින සිට ක්‍රියාත්මක වන පරිදි අත්හිටුවා ඇත.

ඒ අනුව 2009.04.16 දිනැති රාජ්‍ය පරිපාලන චක්‍රලේඛ 09/2009 හා 2009.06.17 දිනැති රාජ්‍ය පරිපාලන චක්‍රලේඛ 09/2009(T)හි විධිවිධාන මැයි 15 සිට ක්‍රියාත්මක විය යුතු ය.