මාස 6කට පසු 6දෙනෙකුට ලැබුණ නිදහස - කොයිතරම් හිතේ සතුටක් ඇත්ද?

 බංග්ලාදේශ අත්අඩංගුවේ පසු වූ ශ්‍රී ලාංකික ධීවරයින් 6 දෙනෙකුට මාස 6කට පසුව එරට රජය නිදහස ලබා දී ඇත.

 මෙම ධීවරයින් හෙට (02) අලුයම දිවයිනට ළඟාවීමට නියමිත බව ධීවර අමාත්‍යාංශය සඳහන් කර තිබේ .

2025 වසරේ ජූලි මස 16 වනදා ‘සුදු දුව 4‘ නම් බහුදින ධීවර යාත්‍රාවෙන් මුහුදු ගොස් තිබූ අදාළ ධීවරයින් බංග්ලාදේශ සමුද්‍රීය දේශ සීමාව උල්ලංඝනය කිරීමේ චෝදනාව මත එරට නාවික හමුදාව විසින් අත්අඩංගුවට ගෙන තිබුණි.

බංග්ලාදේශයේ චැතගොම් මධ්‍යම බන්ධනාගාරයේ රඳවා තිබූ අදාළ ධීවරයින්ට විරුද්ධව අධිකරණ ක්‍රියාමාර්ග ගෙන තිබූ බව වාර්තා වේ .

රන් මාල ප්‍රශ්නය උඩු දුවයි - භානුක රාජපක්ෂ විසින් යොවුන් නිළි හර්ෂි වෙත එන්තරවාසියක්

ධීවර අමාත්‍යාංශය නිවේදනය කළේ ධීවර, ජලජ සහ සාගර සම්පත් අමාත්‍යාංශය, විදේශ කටයුතු අමාත්‍යාංශය සහ බංග්ලාදේශයේ ශ්‍රී ලංකා තානාපති කාර්යාලය එක්ව සිදුකළ රාජ්‍ය තාන්ත්‍රික මැදිහත්වීම මත අදාළ ධීවරයින් 6දෙනා නිදහස් කර ගැනීමට හැකිවු බවයි