රුපියල් කෝටි 4කට අධික හෂීස් තොගයක් සමග තරුණයෙකු මාට්ටු

තායිලන්තයේ බැංකොක් නුවර සිට මෙරටට රැගෙන ආ රුපියල් හාරකෝටි හැත්තෑ හත් ලක්ෂයකට අධික වටිනාකමකින් යුත් හෂීස් (Hashish) මත්ද්‍රව්‍ය තොගයක් සමඟ ශ්‍රී ලාංකික තරුණයෙකු අද (10) අලුයම කටුනායක ගුවන් තොටුපොළේදී අත්අඩංගුවට ගෙන තිබේ.

ගුවන් තොටුපොළ පොලිස් මත්ද්‍රව්‍ය කාර්යාංශයේ නිලධාරීන්ට ලැබුණු තොරතුරකට අනුව මෙම වැටලීම සිදුකර ඇත. අත්අඩංගුවට පත් සැකකරු කොළඹ, ග්‍රෑන්ඩ්පාස් ප්‍රදේශයේ පදිංචි 24 හැවිරිදි තරුණයෙකි.

හදිසිධන ලාභ මතුවන තියන තියන පියවර සාර්ථක වෙන අද ලග්න පලාපල

ඔහු අද අලුයම 12.30 ට පමණ තායි ගුවන් සේවයට (Thai Airways) අයත් යානයකින් මෙරටට පැමිණ ඇති අතර, පරීක්ෂාවට ලක් නොවන පරිදි 'චොකලට්' ලෙස ව්‍යාජව අසුරා තිබූ ඇසුරුම් 15ක් තුළ මෙම මත්ද්‍රව්‍ය සඟවා තිබී ඇත.

පොලිසිය සඳහන් කළේ එහි තිබී හෂීස් මත්ද්‍රව්‍ය කිලෝ ගෑම් 04යි ග්‍රෑම් 778ක් සොයාගත් බවයි.

පොලිස් මත්ද්‍රව්‍ය කාර්යාංශය පවසන පරිදි මෙම මත්ද්‍රව්‍ය තොගයේ වෙළඳපොළ වටිනාකම රුපියල් 47,780,000කට ආසන්න වේ.

අදත් සවස වැසි - වැසි සහිත කාලගුණය හේතුවෙන් නායයෑමේ අවදානම්

සැකකරු අද දින මීගමුව මහේස්ත්‍රාත් අධිකරණය වෙත ඉදිරිපත් කිරීමට නියමිත අතර, මෙම ජාවාරම පිටුපස සිටින ප්‍රධාන මහ මොළකරුවන් අනාවරණය කර ගැනීම සඳහා රැඳවුම් නියෝග ලබාගෙන වැඩිදුර ප්‍රශ්න කිරීමට පොලිසිය සූදානම් වේ.