ජනාධිපතිවරයාගේ අරමුණ..

රටේ ඉදිරි ගමන වෙනුවෙන් සියලු දෙනා ඒකරාශී කර ගැනීම තම අරමුණ බවත් ලොව අනෙකුත් රටවල් ජයග්‍රහණ සමග දිනෙන් දින ඉදිරියට යන විට අප රට පසුපසට ගමන් කළේ එක්ව වැඩ නොකළ නිසා බවත් ජනාධිපති රනිල් වික්‍රමසිංහ මහතා පෙන්වා දෙයි.

එම ඓතිහාසික වරද නිවැරදි කර ගනිමින් සියලුදෙනා එක් කර ගනිමින් රට ගොඩනැගීම තම අරමුණ බව ජනාධිපතිවරයා සඳහන් කළේ ය.

ඒ ඊයේ (20) ඓතිහාසික අනුරාධපුර පුද බිම වෙත ගොස් ආගමික වතාවත්වල නිරතව අනුරාධපුර සම්බුද්ධ ජයන්ති මහා විහාරය වෙත ගොස් විහාරාධිපති උතුරු මධ්‍යම දෙපළාතේ ප්‍රධාන සංඝනායක ආචාර්ය අතිපූජ්‍ය නුගේතැන්නේ පඤ්ඤානන්ද නායක හිමිපාණන් වහන්සේ බැහැ දැක කෙටි පිළිසඳරක නිරත වූ අවස්ථාවේ දී මේ බව පැවසීය.