බිළිඳාට ජීවිතය දී කොවිඩ් මරුවා සමඟ යන්නම යන්න ගිය අම්මා (VIDEO)

සිසේරියන් සැත්කමක් මඟින් දරුවෙකු බිහිකළ 22 හැවිරිදි තරුණ මවක් අනුරාධපුර ශික්ෂණ රෝහලේ “මෙත්සිරි සෙවණ” කොරෝනා ප්‍රතිකාර ඒකකයේ දැඩි සත්කාර ඒකකයේ ප්‍රතිකාර ලබමින් සිටියදී මරණයට පත්ව තිබෙනවා.

 ගල්නෑව, හූරියගස්වැව, පදිංචි චමෝදිනී කුමාරසිංහ නැමති මෙම තරුණ කාන්තාව තඹුත්තේගම මූලික රෝහලේදී සිසේරියන් සැත්කමක් මඟින් දරුවා බිහිකර කොරෝනා රෝගී තත්ත්වය උත්සන්න වීම නිසා ප්‍රතිකාර සඳහා මෙත්සිරි සෙවණට ‌මාරුකර යවා තිබෙනවා.

කෙසේ වෙතත් ඇයගේ දරුවා දැනට තඹුත්තේගම මූලික රෝහලේ ළඳරු ප්‍රතිකාර ඒකකයේ ප්‍රතිකාර ලබන බවයි වාර්තාවන්නේ.

දැනට වාර්තා වී ඇති ආසාදිතයින්, මරණ, එන්නත්කරණයේ ප්‍රවණතාව මෙන්ම දැනට රෝහල් පද්ධතියේ මෙන්ම රටේ වාතාවරණය පිළිබඳව සෞඛ්‍ය අධ්‍යක්ෂ ජනරාල්වරයාගේ පැහැදිලි කිරීම පහතින්...