කදුළකින් කෙළවර වුන අවුරුදු උත්සවය - ගැටුමට මැදිවූ මල්ලී බේරගන්න ගිය පොලිසියේ අයියා මරුට

වලස්මුල්ල, බෝවල ප්‍රදේශයේ පැවැති බක්මහ උළෙලක් අවසානයේ ඇති වූ ගැටුමකින් බරපතළ තුවාල ලබා ප්‍රතිකාර ලබමින් සිටි පොලිස් සැරයන්වරයෙකු ජීවිතක්ෂයට පත්ව ඇත.

මේ අයුරින් මියගොස් ඇත්තේ මාලිගාවත්ත පොලිස් ස්ථානයට අනුයුක්තව සේවය කළ සැරයන්වරයෙකි ඔහු වලස්මුල්ල ප්‍රදේශයේ පදිංචි 46 හැවිරිදි තිදරු පියෙක් වේ.

මෙම බක්මහ උළෙල පැවැති ස්ථානය පිරිසිදු කරමින් සිටි සිය සහෝදරයාට පිරිසක් පහර දෙන බවට ලද තොරතුරක් මත ඔහු සිය මෝටර් රථයෙන් එම ස්ථානයට පැමිණ තිබේ.

පිය පුතු ආරවුල දුරදිග ගිහින් පියා මරුට

එහිදී සිය සහෝදරයා තියුණු ආයුධවලින් පහර දෙන අයුරු දැක ඇති අතර ඔහුව බේරා ගැනීමට උත්සාහ කිරීමේදී විරුද්ධ පාර්ශ්වයේ පුද්ගලයෙකු විසින් එල්ල කරන ලද තියුණු ආයුධ ප්‍රහාරයකින් මෙම සැරයන්වරයා බරපතළ තුවාල ලබා ඇත .

එහිදී ඔහු වලස්මුල්ල මූලික රෝහලට ඇතුළත් කර   තිබේ. 

ඉන් පසුව වැඩිදුර ප්‍රතිකාර සඳහා මාතර රෝහලට ද ඉන් පසුව කරාපිටිය මහ රෝහල වෙත ද මාරු කර යවා ඇත.

ලොවටම සාමය පතා පරවියෙක් නිදහස් කර සාම පාගමන අදත් අරඹයි

ඒ අනුව එහි දැඩි සත්කාර ඒකකයේ ප්‍රතිකාර ලබමින් සිටියදී ඊයේ (24) දිනයේ දී ඔහු මෙලෙස ජීවිතක්ෂයට පත්ව ඇත. සිද්ධිය සම්බන්ධයෙන් වලස්මුල්ල පොලිසිය වැඩිදුර පරීක්ෂණ මෙහෙයවන අතර මියගිය සැරයන්වරයාගේ අවසන් කටයුතු හෙට (26) පොලිස් ආචාර්ය ගෞරව මධ්‍යයේ සිදු කිරීමට නියමිතව ඇත.