ඔයා මාත් එක්ක නිදාගත්තෙ නෑනෙ-නිතරම පුවත් මවන පියුමි හංසමාලි අනුජ් රණසිංහට කියපු කතාව (PHOTOS)

අද වන විට ප්‍රධාන මාධ්‍ය වලට වැඩියෙන් සමාජ මාධ්‍ය වලට බොහෝ ඉඩකඩ සමාජයෙන් වෙන් වෙලා තිබෙනවා. එය තරුණ පරපුර මැදිවියේ පරපුර වගේම අද වෙන විට වැඩිමහල් පරපුරත් බොහෝ විට සමාජ මාධ්‍ය ක්‍රියාකාරීන් බවට පත්වෙලා තිබෙන ආකාරයක් අපට දකින්නට තිබෙනවා.

ඉතින් අද වන විට ප්‍රධාන පෙළේ මාධ්‍යවලට සම්බන්ධ වෙනවා වගේම යූටියුබ් මාධ්ය සාකච්ඡා වලටත් බොහෝවිට කලා ශිල්පීන් එකතු වන ප්‍රවණතාවය වැඩි වෙලා තිබෙනවා. යූටියුබ් මාධ්‍ය තුළ තිබෙන ප්‍රධාන පෙලේ නාලිකාවක් විදිහට අපට කතා කරන්න පුළුවන් කැලුම් විජේසූරිය විසින් මෙහෙයවන trending now with kalum කියන නාලිකාව.

මෙහිදී කලා ලොවේ ඉන්න ජනප්‍රිය කලාකරුවන් සහභාගී කරවාගෙන අපූරු වැඩසටහනක් පුරා පැයකට වැඩි කාලයක් ඔහු එම වැඩසටහන කරනු ලබනවා. ඉතින් පසුගිය දවසක ඔහු අපූරු වැඩසටහනක් කරලා තිබුණා ජනප්‍රිය රංගන ශිල්පිනියක් වගේම නිරූපිකාවක් වන පියුමි හංසමාලි හා නිරූපණ ශිල්පියෙක් මෙන්ම රංගන ශිල්පියෙක්ද වන අනුජ් රණසිංහ සමගින්. එහිදී බොහොම අපූරු කාල හෝරාවක් ඔවුන් ගතකළා.

එහිදී ඔවුන් පිළිබඳව සමාජයේ ගොඩක් දෙනා නොදැන ගත්ත දේවල් කැලුම් සමග කතාබහ කරලා තිබුණු ආකාරය තමයි අපට දැකගන්නට ලැබුණේ. අනුජ් ගැන කතා කරන විට ඔහු කලාවට මුලින්ම සම්බන්ධ වෙන්නේ නිරූපණ ශිල්පියෙක් විදිහට. ඔහු පාසල් යන කාලෙදි ඔහුට සිහිනයක් වෙලා තිබිලා තිබෙන්නේ ගුවන් නියමුවෙක් බවට පත් වෙන්නට.

මේ සිහිනය නිසාවෙන් තමයි ඔහු උසස් පෙළ විෂය ධාරාවන් සඳහා ගණිත අංශය තෝරා ගන්නේ. නමුත් විභාගයේ දී එතරම් ලකුණු ප්‍රමාණයක් ලබා ගන්නට නොහැකි වීම නිසාවෙන් ඔහු උසස් අධ්‍යාපන කටයුතු සඳහා තෝරා ගන්නේ software engineering කියන ක්ෂේත්‍රය. ඉතින් ඒ අංශයෙන් උපාධිධාරියෙක් වුණත් ඔහුගේ පුංචි කාලේ ඉඳන් හිතේ තිබුන පුංචි ආසාවක් තමයි රංගන ශිල්පියෙක් වෙන එක.

ඔහුගේ කාමරයේ ඔහු ආදරය කරන රංගන ශිල්පීන් වන කමල් අද්දරආරච්චි, රන්ජන් රාමනායක වැනි අයගේ ඡායාරූප ගහලා තිබිල තිබෙනවා. කොහොම නමුත් අවසානයේ ඔහු නැවතුනේ කලා ක්ෂේත්‍රයෙන් රංගන ශිල්පියෙක් වෙලා. ඔහුට අවස්ථාවක් ලැබෙනවා මිස්ටර් ශ්‍රී ලංකා තරගය සඳහා සහභාගි වෙන්නට. එහිදී ජයග්‍රහනය ලබලා ඔහු ස්පාඤ්ඤයේ මිස්ටර් ඉන්ටර්නැෂනල් කියන තරගාවලියට සහභාගි වෙනවා.

එහිදී රටවල් හැත්තෑ තුනක් අතරින් ඔහුට first runner up ලබාගැනීමට හැකියාවක් ලැබෙනවා. පසුවුවත් 2019 වසරේදී ඔහු ෆෑන් කොන්ටිනෙන්ටල් තරගයට සහභාගි වෙනවා පිලිපීනයේදී. එහිදී best talent, best national costume, second runner-up කියන ස්ථානයන් සියල්ල ජයග්‍රහනය කරන්නට හැකියාවක් ලැබෙනවා. ඉතින් මේ සියල්ල පාදක කර ගනිමින් ඔහුට අඩිතාලමක් වැටෙනවා ලංකාවේ කලා ක්ෂේත්‍රය තුළට පිවිසෙන්නට.

තිබෙන රූප සම්පත්තිය වගේම ඔහුගේ තිබෙන දක්ෂතාවය නිසාවෙනුත් අද වෙනකොට ලංකාවේ ගොඩක් දෙනෙක් දන්න කියන චරිතයක් බවට ඔහු පත් වෙලා තිබෙන කාරණය පැවසිය යුතුමයි. ඉතින් ඔහුත් එක්ක මෙම වැඩසටහනට සම්බන්ධ වෙන අනිත් ආරාධිත අමුත්තිය තමයි ඔබ අප කවුරුත් දන්න පියුමි හංසමාලි. රංගන ශිල්පිනියක් නිරූපිකාවක් විදිහට ඇය කැපී පෙනෙන චරිතයක් බවටත් හඳුනාගන්න පුළුවන්.

ටෙලිනාට්‍ය සහ සිනමා නිර්මාණ අල්ප ප්‍රමාණයක රංගන දායකත්වයක් ලබා දුන්නත් ඇය නිරූපණ ක්ෂේත්‍රය තුළින් නම් කවුරුත් දන්නා හඳුනන චරිතයක් බවට පත්වනවා. එසේම ඇය කලා ක්ෂේත්‍රයට වැඩිපුර යොමු නොවෙන්නට හේතුවක් එහිදී සඳහන් කරනවා. එයට හේතුව තමයි ඇතැම් ප්‍රවීණ ශිල්පීන් ඇය සමග රංගනයෙන් දායක වෙන්නට අකමැති නිසාවෙන් බොහෝ චිත්‍රපට ප්‍රමාණයක් ඇයට මඟ හැරුණා කියන කාරණාව තමයි සඳහන් කරන්නේ.

එමෙන්ම සම්මාන රාත්රීන් වලදී නර්තන අංග ඉදිරිපත් කරන්නට ආරාධනා කළත් ඒවට සහභාගි වෙන ප්‍රවීණ රංගන ශිල්පීන් ඇතැම් අය අකමැති නිසාවෙන් ඇයට එම අවස්ථාවන් මග හැරී යනවා. ඉතින් සඳහන් කරන විදිහට ඇය දැන් එවැනි කලා කටයුතුවලට සම්බන්ධ වන්නට කැමැත්තක් ඇති බව තමයි සඳහන් කරන්නේ. කොහොම වුණත් ඇය මෑතකදී ඉන්දියාවේ කේරළ ප්‍රාන්තයේ චිත්‍රපටයක් සමග සම්බන්ධ වෙනවා.

ලංකාවේ ජනප්‍රිය රංගන ශිල්පියෙකු වන ජැක්සන් ඇන්තනී මහත්මයා සමඟ. ඉතින් නුදුරේදීම එම චිත්‍රපටය පිළිබඳව කරුණු කාරණාත් ලංකාවේ අපට දැක ගැනීමට හැකියාව ලැබේවි කියලා තමයි ඒ සඳහන් කරන්නේ. අනුජ් රණසිංහ සහ පියුමි හංසමාලි කියන දෙපළ රංගනයෙන් දායක වුණු සිනමා පටයක් තමයි වස්සානයේ සද කියන්නේ. ඔවුන් දෙදෙනා පෙම්වතා සහ පෙම්වතිය ලෙස තමයි එම චරිතයේ ප්‍රධාන චරිත දෙක රඟ දක්වන්නෙ.

ඊට පෙර පටන් මිතුරන් වශයෙන් දැන හැඳින ගෙන සිටි ඔවුන් අද වෙනකොට බොහොම කුළුපග මිත්‍රයන් බවට පත්වෙලා තිබෙන කාරණාවක් ඔවුන් දෙපළ විසින්ම සඳහන් කරනවා. ඒත් එකම පියුමි විසින් එහිදී සඳහන් කරපු තවත් කාරණාවක් තිබෙනවා. ඒ තමයි අනුජ් රණසිංහ විසින් අධ්‍යක්ෂණය කරන්නට ආසාවක් තිබෙන චිත්‍රපටයක ප්‍රධාන රංගන ශිල්පිනිය ලෙස පියුමිහංසමාලි ගන්නවා කියන කාරණාව.

ඉතින් ඒවා විහිලුවක් පමණක් බව තමයි ඉතින් අනුජ් නම් සඳහන් කරලා තිබුණේ. ඉතින් පියුමි ගැන කට්ටිය නොදන්න අලුත් කතාවක් අනුජ් එහිදී සඳහන් කරනවා. ඒ තමයි පියුමි නිදාගන්නකොට ගොරවනවා කියන කාරණාව. ඉතින් පියුමි මෙහිදී සඳහන් කරන්නේ ඔයා මාත් එක්ක නිදා ගත්තෙ නෑනේ කියලා. කොහොම නමුත් පටිගත කිරීම් අතරතුරදී ඇය නිදා ගත්තු අවස්ථාවක අනුජ් මේ පිළිබඳව දැකලා තිබුණු කාරණාවක් තමයි සඳහන් කරන්නේ.   

කොහොම වුනත් ඉතින් අපූරු වැඩසටහනක් වන කැලුම් විජේසූරියගේ වැඩසටහන අනුජ් රණසිංහ සහ පියුමි හංසමාලි කියන දෙපළම එකතුවෙලා අපූරු හැඩයකට වර්ණවත් කරා කියලා කිව්වොත් නිවැරදියි. කොහොම වුණත් අනුජ් රණසිංහ හා පියුමි බොහොම දක්ෂ නවක රංගන ශිල්පීන් කියලා කියන්න පුළුවන්.