උත්සව සමයේ මේ වැරදි කරන අයට හොදටම වැඩ වරදී

උත්සව සමය ආරම්භ වීමත් සමග මහජනතාවගේ මහජන සෞඛ්‍ය සම්බන්ධව අවධානය යොමු කරමින් මහජන සෞඛ්‍ය පරීක්ෂකවරුන් විසින් දිවයින පුරා විශේෂ මෙහෙයුම් මේ වන විට ආරම්භ කර ඇතැයි මහජන සෞඛ්‍ය පරීක්ෂකවරුන්ගේ සංගමය සදහන් කර තිබේ.

මේ සඳහා නිලධාරීන් 2,000ක් පමණ සහභාගී වී ඇතැයිද එම නිලධාරීන් ප්‍රාදේශීය සහ නගර සභා මට්ටමින් කටයුතු කරනු ඇති බව එම සංගමයේ සංස්කාරක අනුර තිලකසිරි මහතා සදහන් කරයි.

 ඒ අනුව ආහාර පරිහරණ ආයතන පරීක්ෂා කිරීම්, නඩු පැවරීම් කටයුතු, නිවේදන ලබා දීම මෙන්ම වෙළෙඳුන් දැනුවත් කිරීම් කටයුතුද සිදුකරන බවද එතුමා සදහන් කර තිබේ තවද උත්සව සමයට අදාළව සකස් කළ ආහාර රස කැවිළි, කේක්, බිස්කට් වර්ග වැනි දෑ සම්බන්ධව විශේෂ අවධානය යොමු වනු ඇති බවත් පැවසූ ඒ මහතා මෙම ආහාරවල ලේබල් සම්බන්ධව මහජනතාවට යම් කිසි ගැටලුවක් පවතින්නේ නම් ප්‍රදේශයේ මහජන සෞඛ්‍ය පරීක්ෂකවරයා දැනුවත් කිරීමට පියවර ගන්නා ලෙසද දැනුම් දුන්නේය.

ඉතාලි-ශ්‍රී ලංකා ගිවිසුම යටතේ රියදුරු බලපත්‍ර පරිවර්තනය අද සිට

මෙම පැමිණිලි සම්බන්ධයෙන් මහජන සෞඛ්‍ය පරීක්ෂකවරුන් සිය බලතල භාවිත කරන බවත් පෙන්වා දුන් එතුමා සදහන් කළේ එහිදී යම් කිසි වෙළෙන්දෙකුට අදාළව ආහාර පනත යටතේ යම් කිසි ගැටලුවක් පවතී නම් ඔවුන්ට එරෙහිව නඩු පැවරීම, සිර දඬුවම් ලබා දීම වැනි කටයුතු සිදු කිරීමට පියවර ගන්නා බවයි.

 මේ හේතුවෙන් වෙළෙඳුන් මේ සම්බන්ධව අවධානය යොමු කරමින් කටයුතු කරන ලෙසත් මහජන සෞඛ්‍ය පරීක්ෂකවරුන්ගේ සංගමයේ සංස්කාරක අනුර තිලකසිරි මහතා ප්‍රකාශ කරයි