පෑලියගොඩ පුද්ගල ඝාතනය ගැන ඇඟ හිරි වැටෙන අලුත් කතාව

අද(19) උදෑසන 9:30ට පමණ, පෑලියගොඩ, ඥානරතන මාවතේදී යතුරුපැදියකින් පැමිණි නාඳුනන පුද්ගලයින් දෙදෙනකු විසින් T56 ගිනි අවියකින් වෙඩි තබා පෑලියගොඩ මාළු වෙළෙඳසැලේ සේවකයෙකු ඝාතනය කර ඇත. මෙම වෙඩි ප්‍රහාරයෙන් ඉලක්කගත පුද්ගලයාට අමතරව, මහමඟ ගමන් කරමින් සිටි තවත් පුද්ගලයෙකු ද තුවාල ලබා ඇත.

ඝාතනයට ලක්වූයේ අයියප්පන් ප්‍රභූ නම් 40 හැවිරිදි පුද්ගලයෙකි. ඔහු පෑලියගොඩ මාළු වෙළෙඳසැලේ සේවය අවසන් කර නිවස බලා යමින් සිටියදී මෙම ප්‍රහාරයට ලක්ව ඇත. ඔහු මෝදර ප්‍රදේශයේ පදිංචිකරුවෙකු වන අතර, පූකුඩුකන්නා නම් අපරාධකරුගේ සමීපතමයෙකු ලෙස පොලිසිය හඳුනාගෙන ඇත.

2025 උසස් පෙළ විභාග කාලසටහන නිකුත් කෙරේ

වෙඩි ප්‍රහාරයෙන් තුවාල ලැබූ පුද්ගලයින් දෙදෙනා කොළඹ ජාතික රෝහලට ඇතුළත් කරන ලදී. ඉලක්කගත පුද්ගලයා (අයියප්පන් ප්‍රභූ) රෝහලේදී දහවල් මියගොස් ඇති අතර, අනෙක් තුවාලකරුගේ තත්ත්වය බරපතළ නොවන බව පොලිසිය පවසයි.

පොලිසියට අනුව, මෙම ඝාතනයට පසුබිම් හේතුව වන්නේ වැල්ලේ සාරංග නම් අපරාධකරුගේ සහෝදරයා ඝාතනය කිරීමට අයියප්පන් ප්‍රභූ උත්සාහ කළ බවට එල්ල වූ චෝදනාවකි. මේ හේතුවෙන් වැල්ලේ සාරංග විසින් මරණ තර්ජන එල්ල කර ඇති අතර, ප්‍රභූ මෝදර ප්‍රදේශයෙන් පෑලියගොඩට පැමිණ ජීවත්වෙමින් සිට ඇත.

දෙසැම්බරයේ ආර්ථික කුණාටුවක්? අනුර ආණ්ඩුවට විපක්ෂයෙන් දැඩි අනතුරු ඇඟවීමක්

පොලිසිය සැක පළ කරන්නේ, පලනි රිමෝෂන් සහ කංජිපානි ඉම්රාන් යන අපරාධකරුවන් ද මෙම ඝාතනයට සහාය දී ඇති බවයි. වෙඩි තැබූ පුද්ගලයින් යතුරුපැදියකින් පලා ගොස් ඇති අතර, ඔවුන් අත්අඩංගුවට ගැනීමට පොලිසිය විමර්ශන ආරම්භ කර ඇත.

පෑලියගොඩ පොලිසිය මෙම සිද්ධිය සම්බන්ධයෙන් වැඩිදුර විමර්ශන සිදු කරයි. T56 ගිනි අවියකින් සිදුකළ මෙම ප්‍රහාරය, සංවිධානාත්මක අපරාධ කල්ලිවල ක්‍රියාකාරකම්වලට සම්බන්ධ බවට පොලිසිය සැක පළ කරයි. වැල්ලේ සාරංග, පලනි රිමෝෂන්, සහ කංජිපානි ඉම්රාන් යන අපරාධකරුවන්ගේ සම්බන්ධතා මෙම ඝාතනයට බලපෑ ඇති බවට විමර්ශනවලින් හෙළි වී ඇත. 

අගමැතිතුමියට නම් උත්තර දෙන්න එපා කියන්න නැත්තම් මේක ලොකු ප්‍රශ්නයක් වෙනවා, නාමල් ආවේස වෙයි

ගුවන් යානයක් අහසෙම ගිනිගනී - එන්ජින් අකස්සට දැල්වෙයි