පාස්පෝට් ගන්න යන අයට විශේෂ නිවේදනයක්.

ආගමන විගමන දෙපාර්තමේන්තුව වෙත පැමිණෙන සියලුදෙනාට අපහසුතාවයකින් තොරව අවශ්‍ය සේවාව ලබාදීමට මේ වන විට කටයුතු යොදා තිබෙනවා.

අද (22) මහජන ආරක්ෂක අමාත්‍යාංශයේ පැවති විශේෂ මාධ්‍ය හමුවකට එක්වෙමින් ආගමන විගමන පාලක ජනරාල්, හර්ෂ ඉලුක්පිටිය ඒ සම්බන්ධයෙන් පවසා සිටියේ ය.

මේ අතර ගිය සතියේ පැවති තදබදය මේ වනවිට පහව ගොස් ඇති අතර සේවාවන් ලබාගැනීමට පැමිණෙන ජනතාව කිසිදු අවස්ථාවක තැරැව්කරුවන්ට හසුවෙන ලෙස කටයුතු නොකරන ලෙස ද ඒ මහතා ජනතාවගෙන් ඉල්ලා සිටියි.

මේ වනවිට ප්‍රාදේශීය කාර්යාල තුළ ද එක්දින සේවය ස්ථාපිත කර ඇති නමුත් ජනතාව බොහෝ අවස්ථාවලදී ප්‍රධාන කාර්යාලයට පමණක් පැමිණීම හේතුවෙන් මෙලෙස දැඩි තදබදයක් නිර්මාණය වී ඇති බව ද ඔහු වැඩිදුරටත් අදහස් දක්වමින් කියා සිටියේ ය.