හෘදයාබාධයට දෙන එන්නත් තොගයක් භාවිතයෙන් ඉවත් කිරීමට නිර්දේශ

හෘදයාබාධ ඇතිවූ අවස්ථාවලදී රෝගීන්ට ලබාදෙන ටෙනෙක්ටප්ලේස් (Tenecteplase) එන්නත් තොගයක් භාවිතයෙන් ඉවත් කිරීමට ජාතික ඖෂධ නියාමන අධිකාරිය (NMRA) නිර්දේශ කර ඇත.

රෝහල්වලින් ලැබුණු පැමිණිලි හේතුවෙන්, TNV 1B24A08 සහ TNV1B24E07 යන කාණ්ඩ අංක යටතේ ඉන්දියාවෙන් ගෙන්වන ලද මෙම එන්නත් තොගය භාවිතයෙන් ඉවත් කිරීමට පියවර ගෙන ඇති බව සෞඛ්‍ය ආරංචි මාර්ග පවසයි.

මීට පෙර ගෙන්වනු ලැබූ ටෙනෙක්ටප්ලේස් එන්නත් තවමත් රෝහල්වල තිබෙන බවත්, ඒවායේ හිඟයක් නොමැති බවත් සෞඛ්‍ය බලධාරීහු සඳහන් කරති. එසේම, මෙම එන්නත් වෙනුවට රෝහල්වල භාවිතය සඳහා විකල්ප එන්නත් ද ඇති බව වෛද්‍යවරු පවසති.

පාසල් හා කාර්යබහුල වේලාවන්හි බර වාහන ධාවනය සීමා කිරීමට පියවර

ගොටුකොළ කෑවම ලස්සන වෙනවා කියලා අහලා තිබ්බට මෙච්චර දෙයක් දැනන් හිටියේ නෑනේ

අනතුරක් විය හැකියි - ගුවන් හමුදාවෙන් අනතුරු ඇඟවීමක්