පරිවාස හා ළමාරක්ෂක දෙපාර්තමේන්තුවෙන් හෙළිදරව්වක්

ශ්‍රී ලංකාවේ දිවයින පුරා අනාරක්ෂිත තත්ත්වයේ පසුවන ළමුන් 14,834ක් පමණ වාර්තා වී ඇති බව පරිවාස හා ළමාරක්ෂක දෙපාර්තමේන්තුව පවසයි. මෙම තොරතුරු 2025 අගෝස්තු 28 වන දින කොළඹ දිස්ත්‍රික් ලේකම් කාර්යාලයේදී පැවති බහුපාර්ශ්වික මත්ද්‍රව්‍ය නිවාරණ, ප්‍රතිකාර හා පුනරුත්ථාපන වැඩසටහනකදී අනාවරණය කර ඇත.

පරිවාස හා ළමාරක්ෂක දෙපාර්තමේන්තුවේ නිලධාරිනියක විසින් මෙම රැස්වීමේදී පෙන්වා දුන්නේ, අවදානම් තත්ත්වයේ සිටින ළමයින් සම්බන්ධයෙන් ළමා හිමිකම් ප්‍රවර්ධන නිලධාරීන් සහ පොලිස් ස්ථාන හරහා හඳුනාගැනීම් සිදුවන බවයි. එහෙත්, බඩෝවිට වැනි ප්‍රදේශවල ආරක්ෂක ගැටලු හේතුවෙන් නිලධාරීන්ට එම ප්‍රදේශවලට යාමේ දුෂ්කරතා ඇති බවත්, ආයතන අතර අන්තර් සම්බන්ධීකරණයේ ඌනතාවයක් පවතින බවත් ඇය අවධාරණය කළාය.

දේශපාලන පළිගැනීම්වලට එරෙහිව ඒකාබද්ධ විපක්ෂයෙන් නීති කමිටුවක් පත්කරයි

“අවදානම් ළමයින් සම්බන්ධයෙන් ළමා හිමිකම් ප්‍රවර්ධන නිලධාරීන් කටයුතු කරනවා. ඒ වගේම පොලිස් ස්ථානවලින් මේ වෙනකොට ළමයින් හඳුනාගෙන අපිට යොමු කරපු ප්‍රමාණයකුත් ඉන්නවා. මේකෙදී අපි දකින ලොකුම ගැටලුව තමයි හැම තැනම අන්තර් සම්බන්ධීකරණය වෙනවා අඩුවීම.

හිටපු ජනාධිපතිලාගේ විශ්‍රාම වැටුප් අහෝසියි කියන කතාවට ෆුල්ස් ස්ටොප් - නීතිපති අධිකරණයට දන්වයි

විශේෂයෙන් මත්ද්‍රව්‍ය වගේ ඒකට බඩෝවිට සහ තවත් ප්‍රදේශවලට නිලධාරීන්ටවත් යන්න පුළුවන්කමක් නැහැ. ළමයා ගොඩනගනවා වගේම පවුල කේන්ද්‍ර කරගත් රැකවරණ සැලැස්මක්, සංවර්ධන සැලැස්මක් සකස් කරලා අපි සියලු පාර්ශ්ව එකතුවෙලා වැඩ කළොත් හොඳයි කියලා තමයි මම යෝජනා කරන්නේ”

මෙම තත්ත්වයට හේතුවන සාධක අතර, පවුල් ඒකකවල දුර්වලතා, මත්ද්‍රව්‍ය භාවිතය, සහ ආර්ථික අර්බුද බලපා ඇති බවත්, විශේෂයෙන් මව්වරුන් විදේශ ගතවීම හෝ මත්ද්‍රව්‍ය භාවිතයට ඇබ්බැහි වීම හේතුවෙන් ළමුන්ගේ රැකවරණය අඩාල වී ඇති බවත් නුගේගොඩ කොට්ඨාස භාර ජ්‍යෙෂ්ඨ පොලිස් අධිකාරී මංගල දෙහිදෙනිය මහතා පවසා ඇත.

අනතුරක් විය හැකියි - ගුවන් හමුදාවෙන් අනතුරු ඇඟවීමක්