බණ්ඩාරගම වෙඩිතැබීම - අනුබල දුන් සැකකරුවන් දෙදෙනෙක් අත්අඩංගුවට

බණ්ඩාරගම, බොල්ගොඩ පාලම අසල හිටපු බන්ධනාගාර නිලධාරියෙකු වෙඩිතැබා ඝාතනය කිරීමට සම්බන්ධයෙන් අනුබල හා ආධාර ලබාදුන් බවට සැක කෙරෙන පුද්ගලයින් දෙදෙනෙකු අත්අඩංගුවට ගෙන තිබේ.

පොලීසිය සඳහන් කළේ, මෙම සැකකරුවන් ඊයේ (28) පානදුර මෝදරවිල ප්‍රදේශයේදී අත්අඩංගුවට ගෙන බණ්ඩාරගම පොලිසියට භාර දී ඇති බවය.

පාසල් හා කාර්යබහුල වේලාවන්හි බර වාහන ධාවනය සීමා කිරීමට පියවර

පසුගිය මස 21 වනදා සිදු වූ වෙඩිතැබීමේදී ජීවිතක්ෂය සිදුවූයේ පානදුර ප්‍රදේශයේ පදිංචි ලලිත් කුමාර කෝදාගොඩ නම් පුද්ගලයෙකුයි.

අත්අඩංගුවට ගත් සැකකරුවන් 18 සහ 21 වයස්වල පානදුර පදිංචිකරුවන් බවත්, ඔවුන් සන්තකයේ තිබී වෙඩික්කරුවන් පැමිණි යතුරුපැදියට සවිකර තිබූ ව්‍යාජ අංක තහඩු, ව්‍යාජ ගමන් බලපත්‍රයක්, රක්ෂණ සහතිකයක්, ආදායම් බලපත්‍රයක් සහ තවත් අංක තහඩු යුගලයක් පොලිස් භාරයට ගත් බවත් වාර්තා වෙයි.

ඔබේ ජීවිතය වෙනස් වෙයි - අද මෙම ලග්නයේ ජනයින්ට අනතුරුදායක දිනයක්

අනතුරක් විය හැකියි - ගුවන් හමුදාවෙන් අනතුරු ඇඟවීමක්

මේ පිළිබඳව වැඩිදුර විමර්ශන බණ්ඩාරගම පොලීසිය සිදුකරමින් සිටී.