විදෙස් ගමන් බලපත්‍රය Online ලබා ගැනීම ගැන අලුත්ම ආරංචියක්..

ආගමන විගමන දෙපාර්තමේන්තුවේ පාලක ජනරාල් හර්ෂ ඉලුක්පිටිය මහතා පවසන්නේ පසුගිය දින 09 තුළ විදේශ ගමන් බලපත්‍ර සඳහා අන්තර්ජාලය හරහා අයදුම්පත් 9000කට අධික ප්‍රමාණයක් ලැබී ඇති බවයි.

ඔන්ලයින් අයදුම්පත් ද්වාරය හරහා අයදුම්පත් 9158 ක් ලැබී ඇති බව ඔහු පැවසීය.

දෙපාර්තමේන්තුව විසින් ජූනි මස 15 වන දින විදේශ ගමන් බලපත්‍ර සඳහා මාර්ගගත අයදුම්පත් නිකුත් කරන ලද අතර, අයදුම්කරු තම ජෛවමිතික ලියාපදිංචි කිරීම සඳහා නම් කර ඇති ප්‍රාදේශීය ලේකම් කාර්යාල 51 න් ඕනෑම ස්ථානයකට පැමිණීම අවශ්‍ය වේ.

ගෙවීම් මාර්ගගතව හෝ ලංකා බැංකුවේ ශාඛාවකට පිවිසීමෙන් සිදු කළ හැක.

මාර්ගගත යෙදුම් හරහා සේවා වර්ග දෙකක් ලබා ගත හැකිය.

හදිසි සේවාව සඳහා රු. 15,000 ක් වන අතර විදේශ ගමන් බලපත්‍රය දින 3 ක් ඇතුළත කුරියර් කරනු ලැබේ.

සාමාන්‍ය සේවාව හරහා ගමන් බලපත්‍රය ලියාපදිංචි තැපෑලෙන් දින 14ක් ඇතුළත එවනු ලබන අතර ඒ සඳහා රු. 5000ක මුදලක් අය කරයි.

මේ අතර, අයදුම්කරුවන්ට තම ජෛවමිතික ලියාපදිංචි කිරීම සඳහා නම් කර ඇති ප්‍රාදේශීය ලේකම් කාර්යාල 51 පහතින් දැක්වෙයි.

කොළඹ – සීතාවක, හෝමාගම

ගම්පහ – මීගමුව, මීරිගම, ගම්පහ

ගාල්ල – කරන්දෙනිය, අක්මීමන, නෙළුව

හම්බන්තොට – තංගල්ල, තිස්සමහාරාමය

කළුතර – ඉංගිරිය, මතුගම, පානදුර

මාතර – අතුරලිය, දෙවිනුවර.

කුරුණෑගල – පු.ලි.දෙ. වයඹ පළාත් ප්‍රාදේශීය කාර්යාලය, කුලියාපිටිය, නිකවැරටිය

මාතලේ – නාවුල

මහනුවර – ගම්පොල, කුන්ඩසාලේ, පූජාපිටිය

කෑගල්ල – ගලිගමුව, රුවන්වැල්ල

පුත්තලම – පුත්තලම, හලාවත.

අම්පාර – සමන්තුරේ, පොතුවිල්

අනුරාධපුර – කැකිරාව,නුවරගම් පළාත මධ්‍යම, හොරොව්පතාන

බදුල්ල – මහියංගනය, හපුතලේ

මඩකළපුව – කෝරළෙයිපත්තු (වාලච්චේනයි), කාත්තන්කුඩි.

නුවරඑළිය – අඹගමුව, වලපනේ

පොලොන්නරුව – ඇළහැර, දිඹුලාගල, හිඟුරක්ගොඩ

රත්නපුර – බලංගොඩ, කුරුවිට, ඇඹිලිපිටිය

යාපනය – චාවකච්චේරි, පේදුරුතුඩුව

කිලිනොච්චිය – කරච්චි.

මොනරාගල – බුත්තල

මන්නාරම – මන්තායි බටහිර

ත්‍රිකුණාමලය – කින්නියා

මුලතිව් – මුලතිව්

වව්නියාව – වෙංගලසෙට්ටිකුලම.

මේ අතර මහජන ආරක්‍ෂක අමාත්‍යාංශයේ සහ ආගමන හා විගමන දෙපාර්තමේන්තුවේ දැනුම්දීමකට අනුව, මහජනතාවට පහත ආකාරයට මාර්ගගත ක්‍රමය හරහා ගමන් බලපත්‍ර ලබා ගත හැකිය.

01. මුලින්ම මෙම වෙබ්අඩවිය www.immigration.gov.lk  වෙත පිවිසෙන්න.

02. ඔබගේ පුද්ගලික ජංගම දුරකථනයට යවන ලද මුරපදය ඇතුළත් කරන්න.

03. ඔබගේ මුල් ලේඛනවල ස්කෑන් කරන ලද පිටපත් උඩුගත කරන්න.

04. ඔබේ ඇඟිලි සලකුණ අදාළ ප්‍රාදේශීය ලේකම් කාර්යාලයට ලබා දෙන්න.

වැඩිදුර විමසීම් අවශ්‍ය නම් 0112 101500 අංකයෙන් බලධාරීන් අමතන ලෙස ඉල්ලා ඇත.