නිපා දරුවන්ට කොහොම බලපායි ද?. ඒ ගැන ඇහෙන භයානක පුවතක්.

ඉන්දියාවේ වෛද්‍ය විශේෂඥයන් විසින් නිපා වෛරසය දරුවන් අතර බොහෝ සංකූලතා ඇති කරන බවත්, දරුවන්ට මාරාන්තික තත්ත්වයකට පවා හේතු විය හැකි බවත් අනතුරු අඟවා තිබෙනවා.

ඔවුන් සඳහන් කළේ නිපා වයිරසය ආසාදනය වීමෙන් පෙණහලුවලට සහ මොළයට හානි සිදුවිය හැකි අතර ආසාදනය බරපතළ වීම කෝමා තත්ත්වයට හෝ මරණයට පවා හේතු විය හැකි බවයි.

මේ සම්බන්ධ‍යෙන් දෙමාපියන් විසින් අනුගමනය කළ යුතු දැඩි සෞඛ්‍ය ආරක්ෂක මාර්ගෝපදේශ මාලාවක් ද නිවේදනය කර ඇත.

කෙසේ වෙතත්, කේරළ සෞඛ්‍ය බලධාරීන් සඳහන් කළේ නිපා වයිරසය වවුලන්ගෙන් ව්‍යාප්ත වන බවට පර්යේෂණ මගින් අනාවරණය වී ඇති බැවින් දරුවන්ට පිරිසිදු පලතුරු වර්ග ලබාදීමට දෙමාපියන් සැලකිලිමත් විය යුතු බවයි.