නාමල් දේශපාලන රැකවරණය ඉල්ලුවාද? නාමල් - කර්නාටක මහ ඇමති හමුව එක්කම යළි සමාජ මාධ්‍ය උණුසුම් වෙයි

ශ්‍රී ලංකා පොදුජන පෙරමුණේ (පොහොට්ටුව) පාර්ලිමේන්තු මන්ත්‍රී නාමල් රාජපක්ෂ මහතා බැංගලෝර් නුවරදී කර්ණාටක ප්‍රාන්ත මහ ඇමති සිද්ධාරාමයියා මහතා සමඟ හමුවී විශේෂ සාකච්ඡාවක නිරත වූ බව වාර්තා වේ.

ඉකුත් අඟහරුවාදා (27) සිදුවූ මෙම හමුව පිළිබඳව සමාජ මාධ්‍ය වේදිකාව වන ‘X’ හි සටහනක් තබමින් නාමල් රාජපක්ෂ මහතා සඳහන් කළේ,

Pleased to meet the Chief Minister of Karnataka, Siddaramaiah, in Bangalore today. It was an honour to meet one of India’s most senior and respected leaders. We discussed India–Sri Lanka bilateral relations, Karnataka’s development and social welfare initiatives, and exchanged… pic.twitter.com/hMRtJuxHU2

— Namal Rajapaksa (@RajapaksaNamal) January 28, 2026

“ඉන්දියාවේ ජ්‍යෙෂ්ඨතම හා ඉතා ගෞරවනීය නායකයෙකු සමඟ සම්බන්ධ වීමට ලැබීම මගේ ජීවිතයේ ලැබුණු විශේෂ ගෞරවයක් ලෙස සලකමි.”

සාකච්ඡාවේදී ප්‍රධාන අවධානය යොමු වූ කරුණු;

• ඉන්දියා - ශ්‍රී ලංකා ද්විපාර්ශ්වික සබඳතා තවදුරටත් ශක්තිමත් කිරීම
• කර්ණාටක ප්‍රාන්තයේ සංවර්ධන වැඩසටහන් හා සමාජ සුභසාධන මුලපිරීම් පිළිබඳ අවබෝධය හුවමාරු කර ගැනීම
• තාක්ෂණ ක්ෂේත්‍රය හා තොරතුරු තාක්ෂණය (IT) සම්බන්ධයෙන් අත්දැකීම් හුවමාරු කර ගැනීම

සමාජ මාධ්‍යයේ කැළඹු නාමල්ගේ ඉන්දීය සංචාරය ගැන මඩ ගහපු අයට වැඩ වරදී

නාමල් රාජපක්ෂ මහතා තවදුරටත් අවධාරණය කළේ, ලෝකයේ ප්‍රමුඛතම තොරතුරු තාක්ෂණ මධ්‍යස්ථානයක් ලෙස සැලකෙන කර්ණාටකයේ (විශේෂයෙන් බැංගලෝර්හි) ලබාගත් හොඳම ප්‍රතිඵල හා භාවිතයන් ශ්‍රී ලංකාවේ තාක්ෂණික හා ආර්ථික ප්‍රගතියට මඟ පෙන්විය හැකි බවයි.

මෙම හමුව ඉන්දියානු ප්‍රාන්ත මට්ටමින් ශ්‍රී ලංකාවේ දේශපාලන නායකයන් සමඟ සෘජු සම්බන්ධතා ගොඩනැගීමේ තවත් වැදගත් පියවරක් ලෙස සැලකෙන අතර, තාක්ෂණ හා නවෝත්පාදන ක්ෂේත්‍රයේ සහයෝගීතාවය වැඩිදියුණු කිරීමට ඉඩකඩ සලසා දෙනු ඇතැයි අපේක්ෂා කෙරේ.

නාමල්ට ඉන්දියවේදී උණුසුම් පිළිගැනීමක්