මෝදි - නාමල් හමුවක්!
Shehan
පාර්ලිමේන්තු මන්ත්‍රී නාමල් රාජපක්ෂ මහතා ඉන්දීය අග්‍රාමාත්‍ය නරේන්ද්‍ර මෝදි මහතා හමුවී තිබෙනවා.
නාමල් රාජපක්ෂ මහතා මෙලෙස ඉන්දීය අග්‍රාමාත්‍යවරයා හමුව ඇත්තේ, ඉන්දියාවේ පැවැත්වෙන "භාරතයේ පිබිදීම" සමුළුවට සහභාගී වෙමින් සිටියදීය.
ඊයේ (08) "භාරතයේ පිබිදීම" සමුළුව ඇමතූ පාර්ලිමේන්තු මන්ත්‍රී නාමල් රාජපක්ෂ මහතා එහිදී දේශනයක් ද සිදු කළා. සමුළුව අමතමින් ඔහු පැවසුවේ, ශ්‍රී ලංකාවේ ආර්ථික අර්බුදයට ප්‍රධාන හේතුවක් වූයේ දේශපාලන හේතූන් මත සංවර්ධන ව්‍යාපෘති කල්යෑම බවයි.
උදාහරණයක් ලෙස, 2015 දී සාම්පූර් බලාගාරය ආරම්භ කිරීමට නියමිතව තිබුණත්, එය කල්යෑම නිසා බලශක්ති අර්බුදයක් ඇති වූ බව ඔහු පෙන්වා දුන්නා.
2022 දී ඇති වූ එම බලශක්ති අර්බුදය පසුව මූල්‍ය අර්බුදයක් දක්වා වර්ධනය වූ බවත් මන්ත්‍රීවරයා සඳහන් කළා. "භාරතයේ පිබිදීම" සමුළුවේදී මෙම අදහස් පළ කළ නාමල් රාජපක්ෂ මහතා, එහිදී ඇමරිකාවේ තීරු බදු සම්බන්ධයෙන් ද අදහස් දැක්වූවා.
ඔහු එහිදී පෙන්වා දුන්නේ, දකුණු ආසියාවේ සියලු ජාතීන් දේශපාලන බෙදීම්වලින් තොරව කලාපීය හවුල්කාරීත්වය තහවුරු කිරීමට කටයුතු කළ යුතු බවයි. එසේම, ඉන්දියානු සාගර කලාපයේ රටවල් නව වෙළෙඳ හවුල්කාරීත්වයක් ගොඩනගා ගත යුතු බවත් ඔහු අවධාරණය කළා.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
