මේ ජනතාවට සුබ අරංචියක් - විශේෂ සේවාවක් ක්‍රියාත්මකයි

ඓතිහාසික මහනුවර නගරයේ දැනට පවතින දැඩි රථ වාහන තදබදයට ස්ථිර සහ සාර්ථක විසඳුමක් ලබා දීමේ අරමුණින් ලංකා මෙට්‍රෝ බස් ව්‍යාපෘතියේ දෙවන අදියර කඩිනමින් ක්‍රියාත්මක කිරීමට සියලු සැලසුම් සකස් කර තිබේ.

ලෝක බැංකු මූල්‍ය ආධාර මත නගරය තුළ අලුතින් ඉදිවන මහනුවර බහුවිධ ප්‍රවාහන පර්යන්තය ප්‍රධාන වශයෙන්ම කේන්ද්‍ර කරගනිමින්, විශේෂයෙන්ම වෙන් කරන ලද ප්‍රමුඛතා මන්තීරු ඔස්සේ නගරයේ ප්‍රධාන මාර්ග 4 ක් තුළ මෙම නවීන බස් රථ සේවාව අඛණ්ඩව ක්‍රියාත්මක කිරීමටයි ප්‍රවාහන බලධාරීන් සැලසුම් කර තිබේ.

ශ්‍රී ලංකා ආර්ථිකය ගැන හිටපු ජනපති රනිල්ගෙන් ආන්දෝලාත්මක අනාවැකියක්

මෙම සුවිශේෂී මගී ව්‍යාපෘතිය නවීනතම ඩිජිටල් තොරතුරු පද්ධති, මගීන්ට ඉතා පහසුවෙන් බස් රථයට ගොඩවිය හැකි විශේෂිත වේදිකා සහ මුදල් රහිත ගනුදෙනු සඳහා වන ස්මාර්ට් කාඩ්පත් තාක්ෂණය වැනි උසස් පහසුකම් රැසකින් සමන්විත වෙයි.

මෙම නවීන සංවර්ධන කටයුතු මඟින් මහනුවර පූජනීය නගරයේ පවතින ඓතිහාසික සහ සංස්කෘතික උරුමය උපරිමයෙන් සුරකින අතරම, දිනපතා නගරයට පැමිණෙන සියලුම මගී ජනතාවට අතිශය කාර්යක්ෂම, ආරක්ෂිත මෙන්ම ඉතා පහසු පොදු ප්‍රවාහන ගමනාගමන සේවාවක් සැලසීමට මෙයින් අපේක්ෂා කෙරේ.

විශේෂ දැනුම්දීමක් - මේ සහනාධාරය ජූනි මසෙන් අවසන් යළි ලබා දෙන්නේ නැත