දේශීය කර්මාන්ත නංවාලීම රජයේ ප්‍රමුඛතාවක් – අගමැති

අග්‍රාමාත්‍ය ආචාර්ය හරිනි අමරසූරිය පවසන්නේ, දේශීය කර්මාන්ත නංවාලීම රජයේ ප්‍රමුඛතා ක්ෂේත්‍රයක් බවත්, ඒ සඳහා විශේෂ පියවර රැසක්  ක්‍රියාත්මක කර ඇති බවත්ය.

මෙම අදහස් අග්‍රාමාත්‍යතුමිය ‘INCO 2026’ කාර්මාන්ත හා වෙළඳ ප්‍රදර්ශනය නිලව විවෘත කිරීමේ අවස්ථාවේදී (13) ප්‍රකාශ කළා. එම ප්‍රදර්ශනය සිරිමාවෝ බණ්ඩාරනායක අනුස්මරණ සම්මන්ත්‍රණ ශාලාවේදී අද සිට මාර්තු 15 දක්වා පැවැත්වෙනු ඇත.

අග්‍රාමාත්‍යතුමිය තවදුරටත් සඳහන් කළේ, ඉංජිනේරු ක්ෂේත්‍රය රටේ ප්‍රායෝගික ගැටලු විසඳීම, කාර්යක්ෂමතාව ඉහළ නැංවීම සහ ආරක්ෂාව වර්ධනය කිරීමේ ප්‍රධාන බලවේගයක් බවයි. විශේෂයෙන් ශිෂ්‍ය ප්‍රජාව නවෝත්පාදන සඳහා දිරිමත් කිරීමේ දායකත්වය මෙවැනි ප්‍රදර්ශන මගින් ලැබෙන බවයි.

රජය දේශීය කාර්මික සංවර්ධනය වේගවත් කිරීම සඳහා විශේෂ පියවර ගෙන ඇත. ඒ අතර ජාතික කර්මාන්ත තොරතුරු පද්ධතිය මගින් ආර්ථික සහ කාර්මික ක්‍රියාකාරකම් පිළිබඳ දත්ත එකතු කිරීම සහ ප්‍රතිචක්‍රීකරණ අරමුදල්  හරහා කර්මාන්තකරුවන්ට මූල්‍ය පහසුකම් සැපයීම ඇතුළත් වේ.

මෙවර ප්‍රදර්ශනය සඳහා විදේශීය ආයෝජකයින් සහභාගී වීම විශේෂත්වයක් වන අතර, දේශීය ව්‍යවසායකයින්ට නව වෙළඳපොළ අවස්ථා සහ ජාත්‍යන්තර තාක්ෂණ අත්හදා බැලීමේ අවස්ථාව ලබා දේ.

ඉංජිනේරුවන්, ශිෂ්‍යවරුන්, ව්‍යවසායකයින් සහ ආයෝජකයින් රැසක් සහභාගී වූ මෙම ප්‍රදර්ශනය, රටේ කාර්මික අනාගතයට වැදගත් පියවරක් බව අග්‍රාමාත්‍යතුමිය අවධාරණය කළා.

ඇමරිකාව ඊශ්‍රායලය සිදුකළ දැවැන්ත මෙහෙයුමෙන් පුද්ගලයින් 1,444 දෙනෙකු මරුට

රුසියාවෙන් කඩිනමින් ඉන්ධන ලබා ගැනීමට සාකච්ඡා අරඹයි