අද සිට පළාත් පාලන සතිය ඇරඹෙයි - සැප්තැ­ම්බර් 19 වැනි දින තෙක් දිව­යින පුරා විශේෂ වැඩසටහන් රැසක්

‘පොහො­සත් රටක් – ලස්සන ජීවි­ත­යක්’ ජාතික තේමාව පෙර­දැරි කර­ග­නි­මින්, සමස්ත ලංකා පළාත් පාලන පද්ධ­ති­යම ආව­ර­ණය වන ලෙස සංවි­ධාන කරනු ලබන ‘පුන­රු­දයේ පුර­වර’ පළාත් පාලන සතිය අද (14) දින ආරම්භ කිරීමට නියමිතයි.

ඒ අනුව රාජ්‍ය පරි­පා­ලන, පළාත් සභා සහ පළාත් පාලන අමා­ත්‍යාං­ශය මඟින් මෙහෙ­ය­වනු ලබන මෙම විශේෂ වැඩ­ස­ට­හන සැප්තැ­ම්බර් 19 වැනි දින තෙක් දිව­යින පුරා ක්‍රියා­ත්මක වේ.

මෙම සතියේ ප්‍රධාන අර­මු­ණ වන්නේ සාම්ප්‍ර­දා­යික නිල­ධා­රි­වාදි රාමු­වෙන් මිදී මහ­ජන කේන්ද්‍රීය, කාර්ය­ක්ෂම, පරි­සර හිත­කාමී සහ පාර­දෘශ්‍ය පළාත් පාලන සංස්කෘ­ති­යක් ස්ථාපිත කිරීම සහ මහ­ජ­න­තාව සෘජු­වම රාජ්‍ය පාලන ක්‍රියා­ව­ලි­යට සම්බන්ධ කර­ගැ­නීමයි.

ඒ අනුව අද (14) දින සමා­ර­ම්භක දිනය ජංගම සේවා සහ ආදා­යම් ප්‍රව­ර්ධන දිනය ලෙස වෙන්කොට ඇත.

ඒ පළමු දිනය පළාත් පාලන සේවා­වන් මහ­ජ­න­තාව වෙත තව­දු­ර­ටත් සමීප කිරීම සහ ආදා­යම් මාර්ග පුළුල් කර­ගැ­නීමටයි.

ඩීසල් ලීටරය රු. 170කින් වැඩි කරයි ද? තෙල් ගැන නරක ආරංචියක්

මෙදින ප්‍රදේ­ශයේ විවිධ ස්ථාන­වල ජංගම සේවා පව­ත්වනු ලබන අතර හිඟ වරි­ප­නම් සහ කඩ­කුලී රැස්කි­රීම, සරල ගෙවීම් ක්‍රම­වේද (සරල ආකෘති පත්‍ර, සහන ක්‍රම) ඔස්සේ සිදු­ කෙරෙයි.

එසේම ප්‍රාදේ­ශීය ලේකම් කාර්යා­ලය, සෞඛ්‍ය අංශ සහ සමාජ සේවා දෙපා­ර්ත­මේ­න්තුව සමඟ ඒකා­බ­ද්ධව කට­යුතු කර­මින්, ඉදිරි වාර්ෂික අය-වැය ලේඛන සඳහා යොදා­ගැ­නී­මට මහ­ජන අද­හස් සහ පැමි­ණිලි ලබා­ගැ­නීම සිදු කරයි.

මේ අතර හෙට (15) මහ­ජන උප­යෝ­ගිතා දිනය ලෙස වෙන් කර ඇත.

ප්‍රජා­ත­න්ත්‍ර­වා­දය පිළි­බඳ ජාත්‍ය­න්තර දිනය හෙටට යෙදෙන බැවින් ඊට අදාළ වැඩ­ස­ට­හ­න්ව­ල­ටද ප්‍රමු­ඛ­ත්ව­යක් ලබා දෙන බව වාර්තා වේ.

එසේම වෙ‍ළ­ඳ­පළ, සති­පොළ, නාග­රික හා ළමා උද්‍යාන, ක්‍රීඩා පිටි, සුසාන භූමි, ආදා­හ­නා­ගාර සහ ඔර­ලෝසු කණු වැනි පොදු ස්ථාන අලු­ත්වැ­ඩියා කර පිරිසිදු කෙරෙයි.

විශ්‍රාමික මේ නිලධාරීන් යළි සේවයට.. සැලසුම් සහ සාකච්ඡා

මේ අතර පව­තින වියළි කාල­ගු­ණ­යට මුහු­ණ­දීමට පොදු ළිං හා උල්පත් පිළි­ස­කර කෙරෙන අතර, පෞද්ග­ලික ආය­තන සහ සිවිල් සංවි­ධාන සහ­භාගි කරවා ගනි­මින් මාර්ග අලං­ක­ර­ණය, වීථි ලාම්පු නඩ­ත්තුව සහ ශ්‍රම­දාන වැඩ­ස­ට­හන් ක්‍රියා­ත්මක වේ.

සැප්තැ­ම්බර් 16 වැනි බදාදා පරි­සර සහ රුක්රෝ­පණ දිනය වශයෙන් වෙන්කර ඇති අතර ඕසෝන් ස්ථරය සංර­ක්ෂ­ණය කිරීමේ ජාත්‍ය­න්තර දින­යද එදි­නට යෙදී ඇත.

එමෙන්ම පාසල් සිසුන් හා මහ­ජ­න­තාව සම්බන්ධ කර­ග­නි­මින් පා ගමන්, සම්ම­න්ත්‍රණ සහ ප්‍රද­ර්ශන සංවි­ධාන කෙරෙයි.

ගිනි රත් වුණ කාලය අවසන් - අද 1න් පසු ලංකාවටම වෙන්න යන දේ

තවද 3R (Reduce, Reuse, Recycle) සංක­ල්ප­යට අනුව කසළ කළ­ම­නා­ක­ර­ණය, භාණ්ඩ හුව­මාරු පොළ පැවැ­ත්වීම සහ ඉලෙ­ක්ට්‍රො­නික් අප­ද්‍රව්‍ය රැස්කි­රීම සිදු කෙරෙන අතර කඩො­ලාන වගාව, ගංගා හා වැව් ඉවුරු ආර­ක්ෂා­වට උණ ශාක සිටු­වීම සහ ගෘහස්ථ කොම්පෝස්ට් භාවි­ත­යෙන් ගෙවතු වගාව ප්‍රච­ලිත කිරී­මද සිදු කිරී­මට නිය­මි­තව ඇත.

එමෙන්ම සැප්තැ­ම්බර් 17 බ්‍රහ­ස්ප­තින්දා සෞඛ්‍ය සහ සනී­පා­ර­ක්ෂක දිනය ලෙස නම්කොට ඇති අතර රෝගී සුර­ක්ෂි­ත­තාව පිළි­බඳ ජාත්‍ය­න්තර දිනය එදි­නට යෙදී ඇත.

එහිදී සෞඛ්‍ය වෛද්‍ය නිල­ධාරි කාර්යාල, පොලී­සිය සහ ස්වේච්ඡා සංවි­ධාන එක්ව රෝහල්, පාසල්, රාජ්‍ය ආය­තන සහ මාතෘ සායන මධ්‍ය­ස්ථාන පිරි­සුදු කිරීම සිදු­ක­රන බව වාර්තා වේ.

ඩෙංගු සහ චිකු­න්ගුන්යා රෝග මර්ද­න­යට ධූමා­ය­නය සහ මදු­රු­වන් බෝවන ස්ථාන විනාශ කෙරෙන අතර ඊට අම­ත­රව සුන­ඛ­යන් සඳහා ජල­භී­තිකා එන්න­ත්ක­ර­ණය, වැඩි­හි­ටි­යන් උදෙසා ආයු­ර්වේද සායන, නොමිලේ සෞඛ්‍ය/අක්ෂි/මාතෘ සායන, මනෝ වෛද්‍ය උප­දේ­ශන සහ ලේ දන්දීමේ වැඩ­ස­ට­හන් පැවැත්වීමට නියමිතව ඇත.

අනතුරුව සැප්තැ­ම්බර් 18 සිකු­රාදා දිනය සාහිත්‍ය, අධ්‍යා­පන, පුස්ත­කාල සහ ක්‍රීඩා දිනය වශයෙන් නම්කර ඇත. පස්වැනි දින­යේදී ආධ්‍යා­ත්මික හා ශාරී­රික සුව­තාව උදෙසා වැඩ­ස­ට­හන් සංවි­ධාන කෙරෙන අතර සැප්තැ­ම්බර් සාහිත්‍ය මාස­යට සම­ගා­මීව පොත් ප්‍රද­ර්ශන, පාඨක සමාජ ප්‍රව­ර්ධ­නය, නිර්මා­ණ­ක­රු­වන් ඇග­යීම, ජංගම පුස්ත­කාල සේවා සහ මාර්ග­ගත දැනු­වත් කිරීම් සිදු කිරීමට නියමිත බව සඳහන්.

තවද ප්‍රාදේ­ශීය ක්‍රීඩා සංගම්, රාජ්‍ය ආය­තන සහ මහ­ජ­න­තාව සහ­භාගි කරවා ගනි­මින් ක්‍රීඩා තරග, ජන ක්‍රීඩා ප්‍රච­ලිත කිරීම සහ ශාරී­රික සුවතා වැඩ­ස­ට­හන් පැවැත් වේ.

සැප්තැ­ම්බර් 19 සෙන­සු­රාදා සහ­තික පත්‍ර ප්‍රදා­නය සහ සමා­ප්තිය සඳහා වෙන්කර ඇති අතර සති­පතා වැඩ­ස­ට­හන් මාලාවේ අව­සන් දින­යේදී සතිය පුරා පැවැත්වූ සියලු තර­ග­වල ජය­ග්‍රා­හ­ක­යන්ට සහ­තික පත්‍ර සහ ත්‍යාග පිරිනැමීමට ද නියමිතව ඇත.

මේ රාජ්‍ය සේවකයන් දැවැන්ත වැඩ වර්ජනයක - හෙට තීරණාත්මක දවසක්