කෙන්යාවේ නායයාමකින් 21ක් මරුට - 30කට ආසන්න පුද්ගලයින් අතුරුදන්
By Shehan
කෙන්යාවේ රිෆ්ට් වැලි (Rift Valley) ප්රදේශයේ සිදුවූ නායයාමකින් පුද්ගලයින් 21 දෙනෙකු මියගොස් ඇති බව විදෙස් මාධ්ය වාර්තා කරයි.
තවත් පුද්ගලයින් 30 කට ආසන්න සංඛ්යාවක් අතුරුදන් වී ඇති බව ද එම වාර්තාවල සඳහන් වේ.
අධික වර්ෂාව හේතුවෙන් සිදුවූ මෙම නායයාම් හේතුවෙන් එරට මාර්ග රැසක් වසා දමා ඇති අතර, තුවාල ලබන්නන් ගුවන් මගින් රෝහල් වෙත රැගෙන යාමට ආපදා කළමනාකරණ අංශය පියවර ගෙන තිබේ.
එසේම, නිවාස 1,000කට වැඩි ප්රමාණයක් ද මෙම ආපදාවෙන් විනාශ වී ඇති බව විදෙස් මාධ්ය වැඩිදුරටත් පවසයි.